| [1] | Et pour ce, en epiloguant en conclusion ce que dit est devant de cestui tres sage roy, lequel, et ses meurs te plaiz comme bon filz avoir tousjours à memoire pour exemple de bien et sagement te gouverner, pouons congnoistre, avec les autres vertus de lui, l'ordre de sa tres discrete largece par ce que grandement l'a tousjours espandue, si que dit est, et neantmoins ne failli oncques à la tres bien continuer, si comme il y paru à la venue à Paris de son oncle l'empereur de Romme, qui tant fu notable chose que se oncques plus n'en avoit fait si est chose à grandement nocter et mectre en memoire, car à tout dire qui pourroit aujourdui fournir à pareille mise qui y fu employé à la recevoir à si grant honneur et si magnifiée largesse d'estat et de dons, tant grandement et par si noble ordonnance y furent toutes choses et si cousteuse, sans rien y espargner, que ce n'est se merveilles non, car quelz dons y furent d'or, d'argent, de tous joyaulx et pierrerie, tapisserie, vesselle, et tous paremens, et toutes nobles choses y furent presentes données, et quel largesse et si longuement continué, et non mie seulement au dit empereur ne à son filz, le roy de Bahangne, et à leurs barons, chevaliers et gentilz hommes, maismesmement, je te dis, que à paines y et si petit serviteur qui n'y receust à tout le moins un gobelet oré ou hanap couvert et tous fraiz paiéz depuis le jour qu'il mist le pié en France jusques à ce qu'il en sailli, qui dura grant espace de temps, et tous les jours festoye presenté richement en diverses guises, si comme le scevent maintes personnes encores vivans qui des yeulx le virent. (CHR. PIZ., Paix W., 1412-1413, 161) | | [2] | Le quart a esté ce duc Charles, qui, après le trespas de son père, fut l'ung des plus riches princes de la crestienté, les plus grands meubles de bagues et de vaisselle, de tapisserie, livres et linges que l'on eust sceü trouver ès troys plus grandes maisons. (COMM., II, 1489-1491, 93) | | [3] | La ville estoit tendue et acoustree Parmy les rues a grant tapisserie De couvertures faictes en broderie, De fins linceulx, courtines et rideaux, Et de drap d'or plusieurs riches bendeaux. (LA VIGNE, V.N., p.1495, 143) | | [4] | Toutes offices, tant de paneterie, Chambre, chappelle et eschançonnerie, Grosse cuysine de commun et de bouche, De garberobe, riche tapisserie, Porte buffetz, drogues, episserie, Nappes, linceulx, lit, couverture et couche, Grosse vaisselle d'argent et d'or de touche, Fardeaux, pacquetz, grans bahus, malles, coffres, Broches, chenetz, poilles, potz, fer aux gauffres Et autres choses pour luy et pour ses gens De les conduyre ne furent negligens. (LA VIGNE, V.N., p.1495, 147) | | [5] | Le dit chasteau fut tendu et paré De draps de soye et de tapisserie; (LA VIGNE, V.N., p.1495, 185) | | [6] | Puis quant il eult son oraison deduit, De rechief fut seurement raconduyt A son logis qui estoit grant et large, Ediffïé de somptüeux ouvraige Et tout tendu de grant tapisserie, De beau drap d'or velousté de fueillaige, Ou en maintz lieux pendoit l'orphaverie. (LA VIGNE, V.N., p.1495, 202) | | [7] | aussi force laines fines et moyennes, cotons, chanvres et fil de toutes sortes, grant nombre de tapisserie fort riche et de diverses manieres, tentes, pavillons, courtines, cielz, franges, la pluspart de drap d'or, d'argent, de veloux, de cramoisy, et les moindres de soye, tappis, veloux de Turquie, de Chipres, de Venise et de toutes sortes en grant nombre, tant es chappelles comme es chambres, salles et autres lieux ou le roy se alloit jouer a son privé. (LA VIGNE, V.N., p.1495, 262) | | [8] | Et au bout du pont de pierre qui est en la dicte ville avoit ung grant eschaffault aorné, garni et acoustré de riche tapisserie, de courtines de soye et autres richesses, ouquel avoit ung roy armé de toutes pieces, a tout ung armet ou tymbre couronné comme celuy de France. (LA VIGNE, V.N., p.1495, 275) | | [9] | Et fu la halle de la ville ou on vendoit et vent encores pain et char, encourtinee de biaus draps et de tapisserie conme la cambre le roi. (FROISS., Chron. D., p.1400, 293) | | [10] | S'ENSUIVENT BONNES INVENTIONS, DICTZ MORAULX POUR FAIRE TAPISSERIE vendoit et vent encores pain et char, encourtinee de biaus draps et de tapisserie conme la cambre le roi. (BAUDE, Dictz moraulx S., p.1450, 83) |
|
|
Attestation de 