Attestation dans les corpus textuels   Attestation de sytost dans 7FMR  5 attestations   Page 1/1  [1] Et dit que sytost qu'il ot receu lesdites poisons, il païa quatre deniers parisis pour son escot, et atant se parti et s'en ala, et laissa encores les autres buvant. (Reg. crim. Chât., I, 1389-1392, 444) [2] et yceulx ainsy bailliez à elle qui parle par la maniere dessus dite, ledit frere Jehan dist à elle qui parle que elle jettast yceulx nouëz de poisons ès puis d'icelle ville le plus tost que elle pouroit, et que sytost comme elle auroit yceulx jettez et mis, que elle se gardast le mieulx que elle pourroit, affin que elle ne feust prinse ou apprehendée par justice, et que il ne demourroit ou arresteroit point en ycelle ville. (Reg. crim. Chât., I, 1389-1392, 478) [3] et sytost comme il trouva icelli Robinet, le blasma de ce et fist blasmer par un frere des Billetes de Paris, nommé frere Gile, qui lors demouroit en icelle ville de Harfleu; (Reg. crim. Chât., I, 1389-1392, 488) [4] ITEM, et avec ce, dit que, puis un an a ou environ, lui qui parle et Perrot Le Biernois, capitaine de Chalucet, estans ensamble audit lieu de Chalucet, et qu'ilz orent longuement parlé ensemble, icellui Biernois dist à lui qui parle que par aucuns ses amis, lesquieulx il ne lui voult nommer, il estoit advisé et enseignié comment il pourroit avoir et recouvrer le fort de Nonnecte, appartenant à mons. de Berry, en lui desclairant la maniere comment, c'est assavoir: qu'il convendroit que de nuyt, et à eschieles, l'en entrast XX ou XXX personnes en la basse-court dudit chastel, laquelle n'estoit aucunement gardée, ou au moins n'y avoit nulles guettes de nuyt qui veillassent icelle basse-court, et que iceulx hommes se boutassent en certaine vielle estable estant en ladite basse-court, en laquelle a plusieurs vielz fus de queues wides et merrien, et illec se tenissent jusques environ après heure de soleil levant, que le capitaine et portier d'icellui chastel à cop et à très-grant haste mettent ceulx qui ont gueritié ycelle nuyt hors dudit chastel, et que quant ilz ystroient hors d'icellui, le portier dudit chastel [laisseroit] l'uys et guichet dudit chastel ouvert tout communéement, tant et jusques ad ce qu'il [auroit] ouvert la porte d'icelle basse-court pour lesdiz gueitteurs mettre hors, et que sytost comme iceulx XX ou XXX hommes sauroient et verroient que ledit portier se seroit trait arriere et eslongnée la porte dudit chastel pour aler mettre hors yceulx gueitteurs, et auroit lessié l'uis ou guichet d'icellui ouvert, que ilz se boutassent, meissent et entrassent entre ledit portier et la maistre porte dudit chastel; (Reg. crim. Chât., II, 1389-1392, 191) [5] Et lors yceulx deux hommes alerent querre ledit Pelart et le admenerent en Greve devant lesdiz Vasselin et Guillemin Maupoint, et sytost que il fu arrivé devant eulx, iceulx Vasselin et Guillemin Maupoint appellerent lui qui deppose, en disant que c'estoit celui qui avoit juré le vilain serement. (Reg. crim. Chât., II, 1389-1392, 356) Fermer la fenêtre