| [1] | Savoir faisons que le jeudi XVIIIe jour de may, l'en mil CCCIIIIxx et XVI, se dessaisi en nostre main comme en main de justice Jehan du Ponttoit dit de l'Eaue d'une maison, sicomme elle se comporte, a appentis, assise en la grant rue Saint Denis, oultre la porte, du ranc Saint Magloire, tenant, d'une part, a une maison qui est a Jehan de Saint Roumain et, d'autre part, a un appellé Huet, faiseur de broches a vin, aboutissant par derriere a la court dudit Huet, en la sensive des diz religieux, la dite maison baillié a rente aus sommes et par la maniere que plus a plain est dit et declairé es lettres ou brevet, parmi lequel ces presentes sont ennexees, a Jehanne la Selliere, femme veufve, et a Jehan le Sellier, filz de la dite Jehanne. (Chartes Abb. St-Magl. T.F., t.3, 1330-1436, 695) | | [2] | et affermerent en bonne verité, mesmement ledit sire Franssois que nagueres il avoit acheté a tousjours, pour et o proufit de ladicte excecucion, de Guillaume Denis, bourgois de Paris, et de Katherine, sa femme, quatre livres parisis de croiz de cens ou rente annuelle que les diz mariez se disoientavoir droit de gaiger, prendre et recevoir de leur conquest, chacun an perpetuelement egaument par les quatre termes a Paris acoustumez, les premiers prins en douze livres paris. de rente, tantost aprés fons de terre, en et sur une maison, sicomme elle se comporte et extent de toutes pars, qui jadiz fu feu Guillaume Coingnart, assise a Paris, en la grant rue Saint Denis, tenant, d'une part, au lonc du Sepulcre et, d'autre part, a ung hostel qui est Symon le Marinier, aboutissant par derriere aux jardins de Saint Magloire, en la sensive des diz religieux de Saint Magloire, pour certain pris et somme de deniers que les diz mariez en avoient eu et receu d'eulx. (Chartes Abb. St-Magl. T.F., t.3, 1330-1436, 763) |
|
|
Attestation de 