| [1] | Je n'en dy plus, mais mon cuer pense et sele Que les loyaulx sont les plus doloreux. (CHART., R. Bal., c.1410-1425, 387) | | [2] | Et s'en vinrent courir jusques a Vaus desous Laon, et l'ardirent et Bruieres, car pour lors il n'i avoit nulle fremeté, et s'en retournerent par Cresci sus Sele et l'ardirent, et le Pont au Nouvion, et tous les hamiaus de la environ, et la ville de Marle. (FROISS., Chron. D., p.1400, 328) | | [3] | Item, cogneut avoir prins en l'ostel de la Sele, en la rue Saint-Martin, un demi-saint de letton, lequel elle a usé et porté par lont temps sur soy, et encores est par devers elle qui parle. (Reg. crim. Chât., I, 1389-1392, 200) | | [4] | Congneut avecques ce, que depuis un an a ou environ, ainsy comme il pour lors estoit varlet d'un escuïer nommé Guillaume, du surnom duquel il n'est record, ala avec sondit maistre, et au mandement de mons. de Luppres, chevalier, en un villaige dont il n'est record du nom, estant à deux lieues près de Saint-Jame de Bevron, ouquel vilaige il qui deppose fu au service de sondit maistre par l'espace de huit jours ou environ, gardant ses chevaux en une estable, en laquelle aussy estoient logiées plusieurs jumens appartenans au seigneur de l'ostel, ouquel, de nuit, et à l'ayde d'une sele à chevaucher qu'il mist au derriere d'une petite desdites jumens, ot durant iceulx huit jours, par plusieurs et diverses fois, compaignie charnele à icelle jument, et tant qu'il n'en scet le nombre. (Reg. crim. Chât., I, 1389-1392, 566) | | [5] | Item, et à une autre fois, de nuyt, il entra en l'ostel d'un tonnellier demourant en icelle ville, par-dessus les murs d'icellui hostel, ouquel il mal print deux brochoirs à laver mains, lesquieulx il porta et vendi en ladite ville de Chaalons, VIIJ gros, qui valent environ IX s. Item, avoir entré de nuyt, en la ville de Marueil, en l'estable d'un homme demourant en icelle ville, par un pertuis qui y estoit, et en icelle estable avoir mal prins une sele à chevaucher, qui sur lui fu depuis trouvée eten sa possession, et par lui rendue à celui de qui il avoit icelle prinse. (Reg. crim. Chât., II, 1389-1392, 164) | | [6] | et tant que, mercredi derrenierement passé ot huit jours ou environ, qu'il deposant se esbatoit en la rue du Plastre, près du carrefour du Temple, environ heure de vespres, vit et apperçut que de la riviere certains paiges et varlés admenoient quatre chevaulx que l'en disoit appartenir audit Guillemin Ferry, et iceulxestablerent et logerent en une estable en icelle rue, en laquelle il qui parle, en entencion d'avoir et prendre un d'iceulx chevaulx pour son prouffit faire, ala environ minuyt à l'uis de l'estable d'iceulx chevaux, lequel il rompi à force, et, ce fait, print l'un d'iceulx quatre chevaux, et celui mesmes dont il a esté trouvé saisy, avec la sele et la bride, qui pendoit à une cheville en icelle estable, et unes chauces vermailles à homme, qui sechoient ou estoient pendues à ladite cheville. (Reg. crim. Chât., II, 1389-1392, 166) | | [7] | Et pour ce que autre chose que dit est dessus ne voult cognoistre qui lui portast prejudice, il fu fait despouillier tout nu, mis, lyé et estendu à la question sur le petit tresteau, et, lui estant en cest estat, oultre et par-dessus ce que cy-dessus a confessé, cogneut et confessa que, un an a ou environ, lui estant varlet de cuisine de Thevenin de Lysle dessus nommé, mal print, en l'estable des chevaulx dudit Thevenin, une sele et une bride à cheval, lesquelz il porta et vendi, en la rue Saint-Denis, la somme de cinq solz parisis. (Reg. crim. Chât., II, 1389-1392, 372) |
|
|
Attestation de 