| [1] | De soye y fait on tous ouvrages Broderies et entaillages, Orfrois, franges, rubans, tissus, Et la sont les fins draps tissus, Escarlates, draps a ouvrages Et tapis d'Arras a ymages, Nappes et toiles deliees, Et de grosses pour les meisgnees,La vaisselle d'or et d'argent, Li riche joyel bel et gent, Les affiches et les couronnes, Chappiaulx, aneaulx, seintures bonnes, Li garnement a or bandé, Qui des riches sont demandé, Les fourrures riches et fines De vair, et de gris, et d'ermines, Et d'autres panes de grant pris, Et de riches draps, que moult pris, Mitres et croces et abis D'or, de perles et de rubis Et d'autres pierres richement Faictes, et li beau parement, Qui la sont, pour parer autelz, Nulz ne croiroit qu'ilz fussent telz; (CHR. PIZ., M.F., I, 1400-1403, 138) | | [2] | Ce jour, l'evesque de Beauvais et les religieux, abbé et convent de Saint-Denis de Reins ont baillié ceans leur requeste par escript, contenant en effect que par l'ordonnance de la Court de ceans et par vertu d'une commission de ladicte Court, donnée le VIJe jour de fevrier derrain passé, ledit evesque avoit receu desdiz religieux deux mil VIIJc pieces de monnoie d'or, pesans XLV mars dix esterlins et maille, avec trois seintures d'argent, ferrées tout du long de vielz cloux, pesans trois mars, bailliez ja pieça en depost devers lesdis religieux par feu Pierre Gouillart, pere de feu maistre Nicole de Savigny. (FAUQ., II, 1421-1430, 276) | | [3] | Desquelles choses, par vertu et selon la teneur de ladicte commission, ledit evesque avoit laissié en la garde desdis religieux trois cens pieces d'or frans à pié, pesans quatre mars cinq onces, pour en faire à l'ordonnance de ladicte Court, et le surplus de ladicte finance et monnoie d'or avec lesdictes seintures il avoit baillié en garde et en depost en la main de Guillaume Hodierne, demourant à Reins, ainsi qu'il apparoit par la relacion et procès verbal dudit evesque et par la cedule que on disoit estre signée du seing manuel d'icellui Hodierne. (FAUQ., II, 1421-1430, 276) | | [4] | Et quant à la requeste desdis religieux, ilz seront quictez et deschargiez de ladicte finance et monnoie d'or et desdictes seintures, par eulz baillées et delivrées audit evesque de Beauvais, et par ycellui evesque baillées et mises en la main dudit Hodierne, et en auront lesdiz religieux quittance et descharge. (FAUQ., II, 1421-1430, 277) | | [5] | , nous a esté exposé en griefment complaingnant que, ja soit ce que ausdiz complaingnans a cause de ladicte hoirrie, tant par la generale coustume de nostre royaume qui est tele que le mort saisist le vif son plus prouchain heritier par apprehension de fait comme autrement, deuement competent et appartiengnent et aient esté, soient et doyent estre en bonne possession et saisine de tous les biens meubles et immeubles demourez du decés dudit feu Tel, en possession et saisine d'avoir et prendre yceulx biens et les fruiz, revenues et emolumens demourez du decés et d'en faire et disposer comme de leur propre chose, en possession et saisine que autre que eulz et mesmement Tel ne autres quelzconques n'ont que veoir ne que demander esdiz biens et ne les peuent ne doivent prendre ne appliquer a eulx sanz le sceu et consentement des diz complaingnans, et en possession et saisine, que se on avoit prins ou emporté desdiz biens, de les faire rapporter et restituer et de faire en oultre reparer par justice tout ce qui auroit esté ou seroit fait au contraire, et desdictes possessions et saisines et autres a ce pertinens ayent lesdiz complaignans joÿ et usé tant par eulx comme par leurs predecesseurs et ceulx dont ilz ont cause par tel et si long temps qu'il n'est memoire de homme du contraire, ou au moins qu'il suffist, puet et doit suffire a bonne possession avoir acquise, garder et retenir, au veu et sceu duditTel et de tous autres qui l'ont voulu veoir et savoir, neantmoins, lesdiz complaignans estans en leursdictes possessions et saisines, ledit Tel ou mois de mars derrain passé, acompaignié de Telz et Telz et autres gens armez d'armes invasibles et defendues, s'est transporté de nuit en l'ostel ou trespassa ledit feu Tel et en icelui hostel lui et ses complices ont rompu de fait et a force les coffres et escrins, ont prins et emporté IIII C escuz d'or, V M de vaisselle, seintures, verges, joyaulz d'or et d'argent, linge, utencilles d'ostel et autres biens meubles et, non contens de ce mais procedens de mal en piz, sont alez en un autre hostel fort, l'ont prins d'eschelle et emblee, emporté tous les biens qui y estoient et fait autres maulx innumerables ou tres grant grief, prejudice et dommage desdiz complaingnans, en les troublant et empeschant en leursdictes possessions et saisines a tort, sanz cause, indeuement et de nouvel, et aussi en enfraingnant folement nostre sauvegarde, en laquelle lesdiz complaingnans sont notoirement avecques tous leurs biens et choses quelzconques, en commettant port d'armes, force publique, larrecin, voye de fait et autrement delinquant grandement, ou contempt et irreverence de justice, si comme lesdiz complaingnans dient, requerans sur ce nostre provision. (8205, fol. 92v) |
|
|
Attestation de 