| [1] | Item, ledit du Bois a mis devers ladicte Court une cedule des commissaires sur le fait des empruns pour le Roy, signée de IIJ signez en cyre vermeille et des seings manuels de Gauchier Chanteprime et Jehan Spifame, donnée à Paris le VIIJe jour de juing derrain passé, faisans mencion de deux mil livres tournoisbaillées pour ladicte Court sur ce qu'elle devoit paier au Roy, à emploier ou fait de la guerre. (FAUQ., I, 1417-1420, 41) | | [2] | L'AN DE GRACE MIL CCCIIIIxx ET DOUZE, le vendredi Xe jour de may, pardevant monseigneur le prevost, lui estant en jugement sur les carreaux du Chastellet, en la presence de noble homme mons. Baudes de Vauviller, chevalier, sire François Chanteprime, Jehan Chanteprime, conseilliers et tresoriers des guerres du roy nostre sire, maistres Jehan Truquan, lieutenant dudit mons. le prevost, Beraut Brisson, esleu à Paris sur le fait des aides, Jehan Filleul, advocat en parlement, Guillaume Drouart, advocat du roy, Guillaume Rabigois, advocat en Chastellet, Dreux d'Ars, auditeur, Miles de Rouvroy, Ernoul de Villers, Nicolas Bertin, Hutin de Ruit et Jehan Fouquere, examinateurs, etc. Pierre de Fresnes, clerc de la prevosté de Paris et Jehan Filleul, lieutenant du receveur de Paris, fu fait venir et attaint des prisons dudit Chastellet Estienne Josson, prisonnier detenu illec pour souspeçon d'avoir fait ou contrefait un faulz briefvet et les seings manuelz de Andrieu Le Preux et Oudart Culdoë, notaires du roy nostre sire oudit Chastellet, et aussi d'avoir nommé le nom des obligiez et pleges escrips et nommez oudit briefvet, sanz leur sceu ou consentement, et duquel briefvet la teneur s'ensuit: Guillaume Roussel, marchant et bourgois d'Aucerre, confesse devoir et gaige à Jehan de Grant Rue, marchant et bourgois de Paris, ou au porteur, etc. la somme de quatre cens et quarante huit livres tournois franc d'or du coing du Roy nostre sire pour XX sols tournois, pour vente, bail et delivrance de fer d'Espaigne bon leal et marchant, qu'il en confesse avoir eu et receu par juste pris sanz fraude, etc., dont, etc. à païer à la Toussains prouchainement venant etc. . (Reg. crim. Chât., II, 1389-1392, 487) | | [3] | Et, ces choses rapportées à lui qui parle par ledit courretier, il se transporta ou Chastelletde Paris et, en son propre et privé nom, passa par devant les dessus nommez notaires une quittance faisant mencion comme il avoit receu et quitté certaine personne de tout ce qu'ilz povoient avoir eu afaire ensemble, en entencion et volunté qu'il peust plus proprement veoir visiter et contrescrire ou figurer les seings manuelz d'iceulz notaires. (Reg. crim. Chât., II, 1389-1392, 488) | | [4] | Lequel prisonnier estant en la fin de ses jours et après ce qu'il ot fait ses prieres, orisons et recommendacions à Dieu, congneut et confessa, en augmentant les confessions par lui ou jour d'uy faittes, que environ Noël derrenierement passé, pou avant ou après, autrement du jour n'est record, il lors estant en très grant neccessité et povreté de son estat et chevance, et pour avoir et recouvrer finance, fist, semblablement que dit est dessus, passer en son nom par Jehan de La Noë et Pierre Le Guïant, notaires dudit Chastellet, une quittance, et aussi fist par l'un d'iceulz escrire, sanz signer de leurs seings manuelz et sanz date, une obligacion par laquele Almaurry Noël, carrier, demourant à Gentilly, est tenuz et obligiez envers messire Florimont de Guise, chevalier, en la somme de IIJcXXXV frans, pour vente, bail et delivrance de vint milliers de fer par lui venduz, à païer ladite somme à la Saint Jehan prouchainement venant, et de laquelle somme rendre et restituer Richart des Sertaux, bourgois de Paris, nommé et escript oudit brievet, est plege et respondant, sanz le sceu ou congié d'iceulz Almaurry et de Sertaux ne qu'ilz fussent aucunement prins, mais il mesmes qui parle contrefistde sa main les seings manuelz d'iceulz notaires, et y mist la date, par le moïen que dit et exprimé a cy-dessus en sa premiere confession. (Reg. crim. Chât., II, 1389-1392, 494) | | [5] | Lequel prisonnier estant en la fin de ses jours et après ce qu'il ot fait ses prieres, orisons et recommendacions à Dieu, congneut et confessa, en augmentant les confessions par lui ou jour d'uy faittes, que environ Noël derrenierement passé, pou avant ou après, autrement du jour n'est record, il lors estant en très grant neccessité et povreté de son estat et chevance, et pour avoir et recouvrer finance, fist, semblablement que dit est dessus, passer en son nom par Jehan de La Noë et Pierre Le Guïant, notaires dudit Chastellet, une quittance, et aussi fist par l'un d'iceulz escrire, sanz signer de leurs seings manuelz et sanz date, une obligacion par laquele Almaurry Noël, carrier, demourant à Gentilly, est tenuz et obligiez envers messire Florimont de Guise, chevalier, en la somme de IIJcXXXV frans, pour vente, bail et delivrance de vint milliers de fer par lui venduz, à païer ladite somme à la Saint Jehan prouchainement venant, et de laquelle somme rendre et restituer Richart des Sertaux, bourgois de Paris, nommé et escript oudit brievet, est plege et respondant, sanz le sceu ou congié d'iceulz Almaurry et de Sertaux ne qu'ilz fussent aucunement prins, mais il mesmes qui parle contrefistde sa main les seings manuelz d'iceulz notaires, et y mist la date, par le moïen que dit et exprimé a cy-dessus en sa premiere confession. (Reg. crim. Chât., II, 1389-1392, 494) | | [6] | En tesmoing de ce, nous, Pierre le Guiant, garde du seel de la prevosté de Paris, pour ce que par un brevet signé des seings desdiz notaires nous est apparu les choses dessus dictes ainsi avoir esté faictes et passees pardevant eulx, comme dit est, avons mis le dit seel a ces lettres, grossoiees et mises en forme publique de nostre commandement par Jehan Hurtaut, notaire dudit seigneur oudit Chastellet, par ce que au temps dudit grossoiement les diz Nicolas le Mire et Jehan de la Court, notaires dessus premiers nommez, estoient alez de vie a trespassement. (Chartes Abb. St-Magl. T.F., t.3, 1330-1436, 494) |
|
|
Attestation de 