[1] | Et pendant ce temps retourna le duc de Bourgoingne de son voyaige de Sainct Claude, et revindrent avec luy plusieurs nobles hommes savoiens, pour veoir les armes du pas, et principallement pour veoir faire ung chevalier savoien, nommé messire Jehan de Compaiz, seigneur de Torain, lequel fit toucher les deux escuz, pour faire armes de sa personne à pied et à cheval, et avoit en sa compaignie six nobles portans ses robes de livrée, qui tous six firent armes à cheval audit pas. (LA MARCHE, Mém., I, c.1470, 308) |
|
|