| [1] | De ceulx vi je de maintes guises, Qui vivoient de marchandises, Et, nonobstant qu'il appartiengne A marchant que verité tiengne Et loyauté en tous ses fais, Ne les vi je pas tous parfais La endroit, ains de grans cautelles Vy user a maint non pas belles, En vendent et en achetant, Et en mains faulx marchiez, et tant Que je ne saroie tout dire Lequel contrat estoit le pire : Turquer denrees et changier Mauvais pour bon, par losangier, Et par jurer, et par promettre Que chose ne pourroit mieulx estre, Qui estoit male et contrefaite, Et, tout pour decevoir gent faite, Vendre a terme par faulx contras. (CHR. PIZ., M.F., II, 1400-1403, 71) | | [2] | Mais l'avoir et les grans richesces,Les paremens et les nobleces En .C. ans ne deviseroie, Qui y sont, ne je ne saroie, Non feroit autre, tant soit sage, Car ou monde n'a bel ouvrage, Qui la ne soit principaument ; (CHR. PIZ., M.F., II, 1400-1403, 100) | | [3] | Plus que ne pourroie dire, et ne cessasse ne saroie actaindre à exprimer la tres grant joie dont mon cuer est rempli presentement à cause de ceste glorieuse paix de rechief confermée entre les princes françois ja long temps par maling esperit envieux du bien de ce royaume esté contencieux ensemble, pour lequel descort toute France tournoit à ruine, mais avoirie la prophecie du psalmiste, par la Dieux grace, nous, les bons subgiéz de France, desireux la tourmente estre cessée, semant en lermes et plours noz oroisons, recueillons par divine vertu en esjouissement, c'est assavoir, sommes avenus à noz loyaulx desirs, voyant ceste paix pour laquelle en habondance de leesse, tressaillans comme tous hors de nous meismes, nous entreconjouissons et faisons feste, comme il ne soit cuer humain, et bien disposé de loyal foy en l'amour de son prince, et desireux du bien de la chose publique, piteux du mal passé, fraternel et charitable à son prouchain, qui à present en grant consolacion ne doie mener joye. (CHR. PIZ., Paix W., 1412-1413, 89) | | [4] | Ainsi nous deux nous departismes, Mais je ne say quel chemin tismes, Ne deviser ne le saroie ; (CHR. PIZ., Chem. estude P., 1402-1403, 31) | | [5] | Car je lui enquis tout le voir Des cinq chaieres, dont savoir La verité moult desiroie, Mais celle me dist qu'el saroie Par ce que verroie avenir, S'un pou m'y vouloie tenir. (CHR. PIZ., Chem. estude P., 1402-1403, 108) | | [6] | Ne m'as pas fait comme a ta chamberiere, maiz mieulx que tu ne promis, c'est assavoir moy servie de tes plus prouffitables et dignes mez qui viennent de la table de Dieu le Pere, dont je merci Dieu qui est toy et toy en lui plus que ne saroie dire. (CHR. PIZ., Avision R.D., 1405, 140) | | [7] | Lors li priay je sans attendre Qu'il me vosist dire et apprendre Comment appeller le saroie, Car durement le desiroie, Et pourquoy il ne vëoit goute,Et la signefiance toute Dou brandon de feu qui ardoit Et dou dart qui ferrez estoit, Et de quoy ses eles servoient, Et pourquoy cil qui la estoient, Qui estoient bel a devis De corps, de façon et de vis, Li darrein et li premerein, Comme a leur signour souverein, Feste, honneur et grant reverence Li faisoient de leur puissance. (MACH., D. verg., a.1340, 20) | | [8] | Car vraiement, faire ne le saroie Si sagement, com mestier en aroie. (MACH., J. R. Beh., c.1340, 92) | | [9] | Et se la joie Que j'avoie, quant en sa grace estoie, Ne fust plus grant que dire ne saroie, N'ymaginer ne penser ne porroie, La grief dolour Qui me destreint en fust assez menour. (MACH., J. R. Beh., c.1340, 97) | | [10] | Ne departir N'en vueil mon cuer, pour doubte dou partir, Qui trop demeure en vie, et, sans mentir, Je ne saroie amer a repentir. (MACH., J. R. Beh., c.1340, 100) |
|
|
Attestation de 