Attestation dans les corpus textuels   Attestation de salere dans 7FMR  5 attestations   Page 1/1  [1] et il qui parle demoura avec ladite Margot et avec sadite fille en ladite chambre, et leur aida à ordonner lesdiz biens jusques environ IIJ heures après misdi, que il qui parle se parti de ladite chambre, en laquele lesqueles Margot et sa fille l'avoient leissé, environ demie-heure avoit, pour piquer des clofs contre les murs d'icelle chambre, et ordonner comme dit est, en disant à il qui parle, à leur partement, qu'elles aloient querir de l'argent, pour ce que ladite Margot devoit et encore doit, il qui parle, son salere dudit voïage, duquel il n'ot depuis denier, et aussi en devoit-elle audit charrestier. (Reg. crim. Chât., I, 1389-1392, 348) [2] Et dit que il ne receut que vint soubz de son salere quant l'en lui bailla les poisons, desquieulx il presta XV s. à un talmelier de Sens, appellé Thomas. (Reg. crim. Chât., I, 1389-1392, 437) [3] et la femme de lui qui parle ot, pour son salere desservi en ensevilissant le corps dudit defunct, et du consentement dudit maistre Guillaume Perdriel, unes paire de chauces à homme. (Reg. crim. Chât., II, 1389-1392, 88) [4] Et dit que iceulx biens elle print en entencion de les rendre et restituer à ycelle sa maistresse quant Dieux lui donrroit aisement, ou au moins par la peine et salere de son corps que elle gaigneroit à la servir comme sa chamberiere, et laquele elle avoit longuement servie. (Reg. crim. Chât., II, 1389-1392, 129) [5] ITEM, dit que un nommé Le Bourc de Malencontre, duquel est faite mencion ès articles cy-devant escrips, a eu de lui qui parle, pour paiement et salere des vivres et services que faiz lui a, en lui administrant vivres et faisant administrer par ses gens, lui estant au roc de Vendas, plusieurs paiemens des patis dudit pays de Limosin composé à lui qui parle, et n'est record jusques à quel somme. (Reg. crim. Chât., II, 1389-1392, 198) Fermer la fenêtre