| [1] | Et promist ladite venderesse, par son serement et foy de son corps, que contre ceste vente n'ira ne venir fera par luy ne par autres, conment que ce soit, ou temps a venir, par aucun art, engin, malice ou cautelle, ne par aucun droit, quel que il soit, comun ou especial, en trensportant et delessant du tout expressement es diz acheuteurs, en leurs hoirs et en ceux qui cause ont et auront d'eux tout le droit, toute l'action, toute la proprieté, saizine, saigneurie et autre possession mixte, directe, taizible et expresse et toute autre, sanz aucune excepter, que elle y avoit, povoit et devoit avoir ou reclamer, conment que ce soit ou fust, et a garentir, delivrer et deffandre contre touz et envers touz, a ses cous et despens, en jugement et hors jugement, et toutes fois que elle en sera requise, aus us et aus coustumes de France, ladite maison et ses appartenances franche, quite et delivre de toutes debtes, arrerages, obligacionz et autres empeschemenz quelzconques aus diz acheuteurs, a leurs hoirs et a ceux qui cause ont et auront d'eux, de tout le temps passé jusques a la journee d'uy ; (Chartes Abb. St-Magl. T.F., t.3, 1330-1436, 154) | | [2] | Et mech en leurs mains tous mes biens ou qu'il soient et quel qu'il soient et les en mech des maintenant en saizine et en possession paisiuvle et leur doins plain pooir et mandement especial du penrre, saizir, lever, possesser, demander et requerre, avoir et recevoir, vendre, werpir et quitier, partout ou il appartenra et porra appartenir, pour payer, acomplir et metre a execution ce mien present testament et devis en le maniere devant dite et devisee et pour faire tout autant comme je porroie faire se jou y estoie presente en me plainne vie et me bonne santé. (8204, 31) |
|
|
Attestation de 