| [1] | Entre l'evesque de Paris, d'une part, et le procureur du Roy, d'autre part, l'evesque de Paris dit que le cloistre Saint-Honnouré à Paris est en sa justice haulte, basse et moienne, ouquel cloistre maistre Phelippe de Vitry, qui nagaires estoit alé de vie à trespas en Court de Romme, avoit son hostel et ses biens, et combien qu'il ait fait seeler oudit hostel par les officiers de sa justice et lui appartiengne de faire l'inventaire des biens, et mesmement puis qu'il est prevenu, neantmoins il est venu à sa congnoissance que ung huissier de ceans ou autres de par le Roy et la Court y ont seellé et ont voulu inventorier les biens en le troublant et empeschant en sa juridiction, en ses drois, possessions et saisines, pour ce a baillié ceanspar escript sa requeste pour oster l'empeschement et pour avoir delivrance des biens pour les delivrer aux heritiers ou executeurs, ou en faire autrement ainsi qu'il appartendra par raison. (FAUQ., III, 1431-1435, 138) | | [2] | le seneschal dist que voulentiers le feroit, se il avoit seürté de lui: "Sire", dist Hanibal le prevost, "ses cinq nefz qui sont a ce port en soient pleiges jusques a demain, et je y mettray saisines et gardes pour ce que, s'il n'y venoit, les cinq nefz demourront pour droit faire. (Bérinus, I, c.1350-1370, 45) | | [3] | et rendront et paieront le quint denier, ventes, lettres et saisines de la dite vendue, se elle estoit retraicte, eue ou evitté d'aucun en tout ou partie avecques touz cous, dommages, despens et interez qui en ce seroient faiz tant par defaut de garantie comme autrement, dont le porteur de ces lettres sera du tout creuz par son simple serement, sanz charge d'autre preuve faire. (Chartes Abb. St-Magl. T.F., t.3, 1330-1436, 54) | | [4] | , transpourtant aus diz acheteurs touz droiz et actions, possessions et saisines, etc. (Chartes Abb. St-Magl. T.F., t.3, 1330-1436, 166) | | [5] | et, a la requeste et du consentement d'icellui procureur, en avons saisi le dit prieur acheteur, qui par avant nous avoit satisfait des ventes et saisines a nous dehues pour cause de ce ; (Chartes Abb. St-Magl. T.F., t.3, 1330-1436, 210) | | [6] | et que ycelles saisines et possessions de ce que dessus est dit les dis religieux avoient gardees et continuees par un an, deux, trois, quatre, six, dix, vint ans et plus et par tel temps qu'il souffisoit et devoit souffire a bonne et souffisante saisine et possession avoir acquise, au veu et sceu des dis mariez et de tous autres qui veoir et savoir l'avoient voulu, sans contredit, debat ou empeschement qui oncques leur y eust esté mis ; (Chartes Abb. St-Magl. T.F., t.3, 1330-1436, 411) | | [7] | Disoit oultre que, les dis religieux estans es dittes saisines et possessions de ce que dessus est dit, laditte maison estoit faite et devenue wide et vague, ruineuse et inhabitable, et en tel point et estat que les dis religieux ne autres pour eulx n'y avoient peu ne povoient trouver a prendre et gaigier pour leur ditte rente ou crois de cens ne estre paiez de leur dit fons de terre, pour le temps present, pour cellui a venir, ne pour plusieurs arrerages qui leur en estoient deuz, sicomme le dit frere Jehan, ou nom que dessus, disoit ; (Chartes Abb. St-Magl. T.F., t.3, 1330-1436, 411) | | [8] | et se le dit Guillaume, durant sa vie, achate aucune chose en la terre, censive et seignourie des diz religieux, parmi ceste prinse et marchié il ne paiera riens aus diz religieux ou autre pour eulz de ventes et saisines du premier achat qu'il fera, sicomme il disoit. (Chartes Abb. St-Magl. T.F., t.3, 1330-1436, 453) | | [9] | le quel, de son bon gré, senz contrainte, recongnut et en bonne verité confessa en droit pardevant nous avoir prins et retenu, prent et retient par ces presentes de religieuses personnes et honnestes l'abbé et couvent de l'eglise Saint Magloire de Paris, desmaintenant jusques a la fin et au terme de six ans prochains venans enterinez et acompliz,a excercer, faire et acomplir l'office de la mairie que les diz religieus ont a Charronne en la manniere qui s'enssuit : C'est assavoir que icelui Jehan promist et gaiga et promet garder, excercer et enteriner bien et deuement et loialment, a ses propres cous, perilz et despens, chascun an durant les six ans dessus diz, le dit office de mairie, aussi bien et miex que ses devanciers ont fait ou temps passé, parmy ce que le dit Jehan doit avoir le prouffit des saisines des heritaiges mouvans des diz religieus ou terrouer de Charronne, quant venduz ou eschangiez seront, et pour le prouffit que l'on a acoustumé de prendre et avoir de esbourner terres et vingnes ou dit terrouer et vignou mouvans des diz religieus, et pour deux soulz six deniers par. que le dit Jehan pourra prendre et avoir pour une fois, se il lui plaist, en chascune amende qui durant le dit temps eschoiront ou dit terrouer en la terre et justice d'iceulz religieus, se iceulz sont solvables qui les amendes devront. (Chartes Abb. St-Magl. T.F., t.3, 1330-1436, 496) | | [10] | » « Accordé est, pour bien de pais et pour eschever maniere de lonc procés etc., que maistre Jehan de Tuillieres et Aubert de Havrechy, examinateurs etc., se enfourmeront du droit et des saisines et possessions dessus alleguees, et, l'informacion ou inquisicion faite sur ce qui leur sera administré par les dites parties dedens la feste saint Jehan Baptistre prochaine, jugeront et pourrontjugier et donner leur sentence, tant en principal comme en despens, comme nous ferions et pourrions faire, sans ce que les parties en puissent appeller ne proclamer etc. (Chartes Abb. St-Magl. T.F., t.3, 1330-1436, 523) |
|
|
Attestation de 