| [1] | Maiz tous ceulx, à vérité dire, Qui sont repletz d'umidité Ou d'autre superfluité, Ainsi que volentiers avient En tout temps disconvénient, Doivent penser soigneusement à soy purgier hastivement, Et, s'aucune commotion Appert lors ou corruption, Du propre sang notoirement On doit minuer promptement, Et quiconques l'a usité, Pour son preu ou nécessité De soy saignier aucunes foiz Par certain temps ou certains moiz,Le doit doubler ou itérer, Se la vertu peut tolérer, Et est le conseil de Phisique Minuer lors de l'épatique, Ou d'une autre commune vaine Qui est dicte la médiaine, Selon l'estat et la coustume De cil qui ce faire présume, Et par l'aviz et la doctrine D'aucun expert en MÉdicine, Et mesmement en ceste part Conseillent les Maistres de l'art Que les groz laboreurs des champs Facent saignie en cellui temps D'icelle vaine plainement Qui nommée est derrainement, Et tous autres pareillement Qui seulent vivre grassement. (LA HAYE, P. peste, 1426, 115) |
|
|
Attestation de 