| [1] | Ce jour, sur la clameur ou plainte que ont fait à la Court pluiseurs povres femmes vendans denrées de freperie en la ville de Paris, de ce que les gens du Roy ou Chastellet de Paris les empeschent ou veullentempescher qu'elles ne vendent ou achetent, chascun lundi, devant Saint-Martin-des-Champs, devant Saint-Denis-de-la-Chartre, et parmy la ville de Paris chascun jour, et les veullent contraindre à aler ès Hales de Paris, les lundis, mercredis, venredis et sabmedis, et leur font autres griefs, comme elles dient, jà soit ce qu'elles aient veu vendre denrées de freperie esdictes places sans empeschement depuis VJ ans, les aucunes dient depuis douze ans, et qu'elles pour ce n'ont fait aucun prouffit aux religieux de Saint-Martin, ladicte Court, après ce qu'elle a parlé sur ce au procureur general et à l'advocat du Roy et aussi au procureur du Roy en Chastellet: A appoinctié pour pluiseurs consideracions, que, veue la povreté et neccessité du peuple, et pour la malice du temps de guerre qui est à present, qu'il sera tolleré quousque , etc., ausdictes femmes et autres de vendre et acheter, comme font de present esdictes places devant Saint-Martin et devant Saint-Denis-de-la-Chartre, et parmi la ville, sans leur faire aucune nouvelle contrainte ou vexacion au contraire par lesdis gens du Roy oudit Chastellet. (FAUQ., II, 1421-1430, 359) |
|
|
Attestation de 