| [1] | à ce propos dit Aristote, là où il parle de chevalerie que en chascune baniere des chevetains doit avoir lettres ou enseignes affin que chascun homme d'armes se sache retraire soubz qui il est commis, et ancienement faisoient chevetains, qui soubz eulz avoient .C. chevaliers, c'est assavoir hommes d'armes, et chascune .Xe. avoit aussi un chief et puis tous ensemble se retreoient soubz le centurion, lesquelz avoient certaines cognoissences, et dit que ceulz, qui portent les estendars et banieres des princes et chevetains, doivent estre esleus preux, fors, et de grant courage, et nobles hommes, pour cause que au regart de l'estendart se gouverne la bataille et l'ost, et dit que on doit regarder que cellui à qui on le baille soit preud'omme, car se il estoit traittre,lui tout seul pourroit par son signe faire desconfire et destruire sa partie, si comme on treuve es escriptures que autrefois ait esté ; (CHR. PIZ., Faits meurs Ch. V, S., I, 1404, 218) |
|
|
Attestation de 