| [1] | Peut estre que, soubz umbre de nous, mains grans oultraiges se font, car en guerre, ou la force est et regne et le fer seigneurit, ne peut droit dominer; (CHART., Q. inv., 1422, 33) | | [2] | O guerre d'ennemis et division d'amis, discords de royaumes et batailles civilles et plus que civilles au dedans des cités et des seigneuries, par vous est mis le joug de servitude sur les treshaultes puissances, par vous est donné a cognoistre aux hommes mortelz que sur eulx regne Dieu immortel, qui l'orgueil de leur fier povoir peut reprimer et asservir a mendre de soy et la vanité de leurs grans habondances chastier et ramener a indigence et necessité. (CHART., Q. inv., 1422, 46) | | [3] | Et puis que Dieu et Nature vous ont creez plus parfaiz des autres choses qui ont ames, ne soiez pas plus desordonnez que les mendres besteletes, ne plus negligens ou mains enclinez a vostre commune salvation,utilité et defense, que sont les mouchetes a miel, que chascune en leur essaim gardent leurs offices et leurs ordres et mectent leur vie pour deffendre et entretenir leur assemblee et leur petite pollice et pour garder la seigneurie de leur roy qui regne entre elles soubz une petite ruche, que moult de foiz, quant il est navrez en leurs batailles, contre une autre compaignie d'autres mouchetes, elles portent et soustiennent a leurs eles et se laissent mourir pour luy maintenir sa seigneurie et sa vie. (CHART., Q. inv., 1422, 64) | | [4] | Et qui diroit que seigneurie fut entreprinse par la violence des plus fors sur les mendres, peu de merveille seroit de voir subvertir et muer chose fondee sur si petit et inique commencement, et qui mieulx fust appellé tyrannie que regne; (CHART., L. Esp., c.1429-1430, 40) | | [5] | O roys de terre, qui seez en chaire tremblant, et commandés par auctorité decepvable sur peuple pervertible, retenés cesteleçon du roy dez cieulx, qui siet en trone pardurable, dont le royaulme ne se peult changier, ne l'auctorité contredire: vostre regne fault avec vostre vie, et le sien seigneurist sur la vie et sur la mort de tous et de toutes choses; (CHART., L. Esp., c.1429-1430, 40) | | [6] | vous regnez sur lez subgeez et sur les serfz, et il commande et regne sur les roys; (CHART., L. Esp., c.1429-1430, 41) | | [7] | O quelle resplendissant clarté espart sur son regne ung vertueux roy catholique! (CHART., L. Esp., c.1429-1430, 45) | | [8] | Et le royaulme dez Assyriens fut translaté aux Perses et aux Medes en la fin du regne de Balthasar pour lez sacrileges de son pere. (CHART., L. Esp., c.1429-1430, 61) | | [9] | Jupiter qui en celuy aage estoit roy de Crete, fut par telle follie aprés sa mort appellé dieu, a l'occasion de la magnificence et delicieuse vie dont il avoit usé en son regne. (CHART., L. Esp., c.1429-1430, 114) | | [10] | O vile creature, indigne de congnoistre la loy de Dieu, compaignon des pourceaux, et disciple dez boucz, ou as tu apris que don d'espirituelle prophecie soit donné aux hommes charnelz, ou quelle revelation est assise sur la pensee ou regne fornication et ordure? (CHART., L. Esp., c.1429-1430, 124) |
|
|
Attestation de 