| [1] | Enviz entreprendriez les conquestes de voz predecesseurs qui sommistrent grant partie de Grece en leur subjection laquelle de leur nom s'appelle encores Gallogrecie et conquisrent Romme jusques au Capitole, etc., quant la terre, sur quoy vous habitez et qui vous soustientet donne pasture, vous ne povez pas secourir ne defendre et vous laissez estre comme exiliez sur vostre mesmes pays, que delaisser ne voulez ne garder vous ne savez. (CHART., Q. inv., 1422, 18) | | [2] | Regarde, mere, regarde, et advise bien ma treslangoureuse affliction et tu cognoistras que tous refuges me défaillent, les champs n'ont plus de franchise pour administrer sceure demeure, et je n'ay de quoy les cultiver ne fournir pour y recueillir le fruit de nourreture. (CHART., Q. inv., 1422, 21) | | [3] | O constance, treslouable vertu et digne de memoire perpetuelle, par qui les seigneuries sont faictes longuement durables et les hommes, quoy qu'ilz seuffrent, eschappent a honneur des dangiers de perverse fortune, bien as trouvé peu de couraiges françois qui ta doctrine aient en ces merveilleux dangiers de guerre ensuye, et bien heureux sont ceulx qui, en si griefve tempeste et troublee confusion, se sont maintenuz sans reprouche. (CHART., Q. inv., 1422, 30) | | [4] | Toutesvoies, quoy qu'il soit advenu ou temps passé, nous devons assez avoir aprins pour noz couraiges rafermer a ce qu'est avenir et aidier a redrecier parmeilleur advis ce que nous mesmes avons bestourné par folle creance, et n'y doit nul epargnier peril de corps, travail de pensee, ne despense de chevance. (CHART., Q. inv., 1422, 30) | | [5] | mais, a bien enquerir, il sera trouvé que gens de peuple et de bas estat, qui se mettent sus soubz le nom d'armes, sont coulpables de ces horribles excez, et naist d'entre ceulx du peuple le mal qui sur le peuple redonde, par quoy toute la charge n'en doit pas estre sur les nobles hommes, qui mieulx amassent vivre sur le leur, en leurs maisons, comme seigneurs, que estre hebergez a regret et comme hostes en autruy dangier. (CHART., Q. inv., 1422, 33) | | [6] | Telle oeuvre avons nous a mener, en quoy plus chiet d'aguet et de sens que d'ouvraige de chaude colle. (CHART., Q. inv., 1422, 35) | | [7] | Entreprengne Cellui qui en a le povoir l'adversité que nous souffronset plus en gré que nous ne la recevons ou congnoissons, car, quoy qu'elle suffise pour punir noz maulx selon sa pitié, je doubte que assez grande ne soit elle pas selon noz faultes et la descongnoissance que nous avons d'elles. (CHART., Q. inv., 1422, 44) | | [8] | Et se des oeuvres passees en ce temps de guerre se peut faire rapport sans vanterie et sans arrogance, on a peu veoir, en pou de jours, ung prince en joune aage esloignié par fureur et sedicion de la maison royal dont il est filz et heritier, guerroyé de ses ennemis, assailli de glaive et de parolles de ses propres subgiez, doubteusement obey du sourplus de son peuple, delaissié de ses aides principaulx ou il se devoit fier, despourveu de tresor, encloz de forteresses rebellans, et qui bien a tout comparé et remembré les tristours des choses de ce temps jusques a ores, quoyque les faiz de ceste seigneurie ne soient comme chascun bon cuer doit desirer, n'a pas esté sans paine, appensement et diligence de les remectre de si bas point en l'estat ou nous les voions jusques cy, Dieu en est tesmoing. (CHART., Q. inv., 1422, 47) | | [9] | et en ce cas la victoire que fist le vaillant jouvencel comme vainqueur ne peut effacier la desobéissance qu'il fist comme transgresseur, pourquoy la rigueur de la discipline chevalereuse vainqui la pitié naturelle du pere, car cellui que Nature admonneste d'estre pere misericors pour le devoir de sang acquiter se monstra juge rigoureux pour la loy d'armes aigrement observer. (CHART., Q. inv., 1422, 54) | | [10] | Celer ne se peut ce que loiale affection contraint a dire et, quoy qu'il touche aux haulx faiz et haultes personnes, j'en parle selon ma petitesce, mais oncques ne fut veue a l'ueil ne levé par escript maindre discipline ne plus fraelle justice d'armes que celle que nous disons tenir sur nostre chevalerie. (CHART., Q. inv., 1422, 59) |
|
|
Attestation de 