| [1] | Promettanz yceux vendeurs, par leur foy pour ce bailliee corporelment en nostre main et par leurs seremenz pour ce fais solempnelment, que encontre ceste vente et quictance ne encontre aucune des choses contenues en ces lettres n'yront ne aler feront par eulx ne par autres, a nul jour, par raison aucune quelle que elle soit, en couvert ou en appert, ainçoys toute ladicte vente, faite comme dit est, promistrent par leur dicte foy et par leurs diz seremenz garantir, delivrer et deffendre, chascun pour le tout, a leurs couz, envers touz et contre touz, de touz troubles, debtes, obligacions et empeschemenz quiexconques aus diz acheteurs, a leurs hoirs et a ceus qui d'eulx auront cause, et avecques ce a rendre et paier touz couz et domages qui euz y seroient par deffaut de garantie ou autrement. (Chartes Abb. St-Magl. T.F., t.3, 1330-1436, 126) | | [2] | Renonçant en ce fait ycellui chevalier donneur dessus nommé, par sa dite foy et par son dit serement, a accion en fait, a convencion de lieu et de juge, a touz previleges, graces et respiz donnés et a donner, a tout droit escript et non escript, a touz us, coustumes et establissemens de villes, de lieux et de pays, a toutes fraudes, barres, malices, erreurs, allegacions, cavillacions et decevances, et a toutes autres choses quiexconques qui aidier et valoir li pourroient a dire ou venir contre la teneur et effect de ces lettres, et au droit disant general renonciacion non valoir. (Chartes Abb. St-Magl. T.F., t.3, 1330-1436, 165) | | [3] | Obliganz et souzmettans du tout, quant a ce, ycelles [parties l'une a l'autre] et l'une envers l'autre elles, leurs hoirs, touz leurs biens et de leurs diz hoirs, meubles et inmeubles, presens et a venir, quiexconques, a la juridicion et contraincte [de nous et de nos] successeurs prevoz de Paris et de toutes autres justices souz qui il seront et pourront estre trouvez, pour tout ce que dit est enteriner et acomplir. (Chartes Abb. St-Magl. T.F., t.3, 1330-1436, 188) | | [4] | Et, se touz deux aloient de vie a trespassement avant que ce feust parfait et acompli, il vouldrent et expressement acorderent que par leurs executeurs ou le survivant ce feust fait, parfait, paié, enteriné et acompli, en transportant desmaintenant en yceulx la possession et saisine de touz leurs biens quiexconques, meubles et immeubles, communs entre eulx, jusques a plain acomplissement et enterine perfeccion de ladicte chappelle et dudit douaire d'ycelle. (Chartes Abb. St-Magl. T.F., t.3, 1330-1436, 249) | | [5] | Renonçanz en ce fait, par leur dicte foy et par leurs diz seremenz, a accion en fait, a convencion de lieu et de juge, a touz previleges, graces et respiz donnés et a donner, a tout droit escript et non escript, a touz us, coustumes et establissement de lieux et de pays, a toutes fraudes, malices, erreurs, allegacions, cavillacions et decevances, a condicion sanz cause ou pour non juste et indeue cause, et a toutes autres choses quiexconques qui aidier et valoir leur pourroient a dire ou venir contre ce que dit est, et au droit disant general renonciacion non valoir. (Chartes Abb. St-Magl. T.F., t.3, 1330-1436, 249) | | [6] | Savoir faisons que, pardevant Jehan de Pronneroy et Phelippe du Vivier, clers notaires jurez du roy nostre sire de son Chastellet de Paris, personnelment establi noble homme monseigneur Phelippe des Essars, chevalier, seigneur de Thieux souz Dampmartin, recognut et confessa pardevant les diz notaires jurez, de son bon gré, de sa bonne volenté et certaine science, sanz force, fraude, erreur, contrainte ou decevance aucune, pour son grant, cler et evident prouffit, bien pourveu et advisé sur ce, sicomme il disoit, lui avoir vendu et par nom et tiltre de pure et perpetuele vente quittié, cessié, ottroyé, mis, transporté et du tout en tout delaissié, desmaintenant a tous jours mais, et promis garantir, delivrer et desfendre de touz troubles, debtes, obligacions et autres empeschemenz quiexconques, envers touz et contre touz, en jugement et hors, toutes et quantes foiz que mestier en sera, a Martine la Thierrie, femme feu Jehan Voisin, bourgoise de Paris, a ses hoirs et a ceulx qui d'elle auront cause, huit livres six soulz huit derniers par. de cres de cens ou rente par an que le dit chevalier, avant ceste presente vente, se disoit avoir, prendre, percevoir, lever, gaigier et recevoir, seul et pour le tout, de son propre heritage, chascun an egalment aus quatre termes generalment a Paris acoustumez, es lieux qui s'ensuivent, c'est assavoir six livr. par., tantost et sanz aucun moyan aprésquatre deniers par. de fons de terre par an, en et sur une maison, sicomme elle se comporte, a toutes ses appartenances et appendances, qui jaidiz fu feu Gautier la Chievre et est a present Jehan d'Esparnon, mercier, assise a Paris, en la rue Aubry le Bouchier, devant l'eglise Saint Josse, tenant, d'une part, a l'ostel qui fu feu Jehan la Chievre, qui est a present Maaline, jadiz femme d'icellui feu Jehan la Chievre, et, d'autre part, a une maison qui fu feu Thomas de Tinquetainville dit de Valenton, aboutissant parderreres a la maison qui fu feu Gieffroy Viel, en la censive Saint Magloire de Paris, et quarante six soulz huit deniers par., tantost et sanz aucun moian aprés un denier de fons de terre par an, en et sur une autre maison sicomme elle se comporte et estent a toutes ses appartenances, qui est Michiel le Roux, taintturier de soye, assise a Paris en ladite rue Aubry le Bouchier, tenant, d'une part, a la maison qui fu au dit feu Thomas de Tinquetainville dit de Valenton, et, d'autre part, a la maison feu Jehan Porret, aboutissant parderreres a la maison Pierre Pallé, en ladite censive, c'est assavoir ceste vente faite pour le pris de quatre vinz six livres treze soulz quatre deniers par., monnoie courant a present, a mettre et compter frans d'or et florins d'or a la fleur de lis pour seize soulz par. la piece, qu'il en a eu et receu en la presence des diz notaires et dont il se tint a bien paiez, contenz et agreez pardevant yceulx notaires. (Chartes Abb. St-Magl. T.F., t.3, 1330-1436, 306) | | [7] | Renonçant en ce fait ycellui vendeur, par sa dite foy et par son dit serement, a action en fait, a convencion de lieu et de juge, a toute excepcion de decepcion d'oultre moitié de juste pris ou autrement, a l'excepcion dudit pris non avoir eu et non receu, comme dit est, a tout droit escript et non escript, a touz us, coustumes et establissemens de villes, de lieux et de païs, a condicion sanz cause ou pour non juste et indeue cause, a toutes fraudes, malices, erreurs et decevances, et a toutes autres choses quiexconques qui aidier et valoir li pourroient a dire ou venir contre ces lettres ou contre aucune des choses dedenz contenues, et au droit disant general renonciacion non valoir. (Chartes Abb. St-Magl. T.F., t.3, 1330-1436, 308) | | [8] | et tout le bail et adcensement dessus dit, fait comme dit est, les diz baillieurs sont tenuz et promistrent garantir, delivrer et deffendre, chascun pour le tout, aus diz preneurs, a leurs hoirs et a ceulx qui d'eulx auront cause, de touz troubles, debtes, obligacions, arrerages et autres empeschemenz quiexconques, envers touz et contre touz, en jugement et hors, toutes et quantes foiz que mestier en sera, excepté de tel droit et accion comme le dit Jehan François, a cause de sa maison, pour raison des veues d'icelle, du port et recepte des eaues de sa cuisine, de ladicte fosse et sieges d'aisemenz et widenge d'yceux, et partie de celier estant souz ladicte court, a et peut avoir en ladicte maison, court et estable adcensez, selon le tiltre qu'il en a tant seulement. (Chartes Abb. St-Magl. T.F., t.3, 1330-1436, 315) | | [9] | Renonçanz en ce fait les dictes parties l'une envers l'autre, par leur dicte foy et par leurs diz seremenz, a accion en fait, a convencion de lieu et de juge, a touz previleges, graces et respiz donnez et a donner, a toutes lettres octroyeeset a octroyer, a toute excepcion de decepcion d'oultre moitié de juste pris ou autrement, a tout droit escript et non escript, a touz us, coustumes et establissemenz de villes, de lieux et de pays, a toutes fraudes, malices, erreurs et decevances, et a toutes autres choses quiexconques qui aidier et valoir leur pourroient, ou a l'une partie aidier et a l'autre nuyre, a dire ou venir contre ces lettres ou contre aucune des choses dedenz contenues, et au droit disant general renonciacion non valoir, mesmement les dictes femmes, o les auctoritez a elles donnees de leurs diz maris, comme dit est, au benefice du Senat Consult Velleyan, a l'Epitre du Divi Adrian et a touz autres droiz et benefices octroyez et introduiz en la faveur des femmes. (Chartes Abb. St-Magl. T.F., t.3, 1330-1436, 315) | | [10] | et recongnurent et confesserent les dictes parties, de leurs bons grez, bonnes volentez, sanz aucune force ou contrainte, et pour le cler et evident proufit d'une chascune partie, sicomme il disoient, avoir fait, traictié et accordé entre eulx le bail, prinse et adcensement qui cy aprés s'ensuit, c'est assavoir la dicte Jehanne avoir baillié et delaissié a droit croiz de cenz ou rente, desmaintenant a touz jours, et promis a garantir, delivrer et deffendre envers et contre touz, toutes et quantes foiz que mestier en sera, de touz troubles, debtes, obligacions, arrerages, engaigemens et autres empeschemens quiexconques, a la charge cy dessoulz devisee, aus diz Jehan et Sedille, sa femme, et yceux Jehan et sa femme avoir prins et retenu a droit croiz de cens ou de rente de la dicte Jehanne, desmaintenant a touz jours, pour eulx, pour leurs hoirs et pour ceulx qui d'eulx auront cause, une maison ou masure, sicomme tout se comporte, en haut, en bas, en lonc, en lé et en parfont, avecques ses entrees, yssues, aigouz, veues, aisances et appartenances quiexconques, que la dicte Jehanne se disoit avoir et a elle estre venue et adjugiee par decret, par vertu des previlleges ottroiez aus bourgois de Paris, assise en la rue du Bourc l'Abbé, tenant, d'une part, a la maison qui fu Gillet le Paticier et, d'autre part, a la maison qui fu Symon Lombart, aboutissant par derrieres, d'un costé, a Denisot Poincet, et, d'autre, a Jehan Fichepié, en la censive Saint Magloire de Paris, chargiee avant ce bail en six soulz et quatre den. par. tant pour fons de terre comme pour croiz de cens ou rente deuz et paiez chascun an, c'est assavoir a l'abbé dudit Saint Magloire les quatre deniers pour le fons de terre au jour Saint Remy, et les six soulz au couvent dudit lieu au terme de Pasques, cest adcensement fait sur le tout et pour toutes charges pour et parmy dix huit soulz et quatre den. par. que les diz preneurs en gaigerent et promistrent, chascun pour le tout, par eulx et leurs hoirs, rendre et paier en et sur le dit lieu adcensé, c'est assavoir aus diz abbé et couvent les six soulz et quatre deniers de premiere charge aus termesdessus diz, et a la dicte Jehanne douze soulz par., a ses hoirs et aianz cause, chascun an egalment pour les quatre termes a Paris acoustumez, a comencier pour le premier terme et premier paiement a Noël prouchain venant, et pour et parmy douze livrez par. que les diz preneurs, chascun pour le tout, promistrent mettre, convertir et emploier en amendement en la dicte maison et appartenances dedanz quatre ans prouchains venans, toutes reparacions comptees pour amendement. (Chartes Abb. St-Magl. T.F., t.3, 1330-1436, 353) |
|
|
Attestation de 