| [1] | Et se memoire vous puet aucune chose ramentevoiret les anciens livres de noz peres apprendre à cognoistre nos faiz par les leurs, toutes anciennes escriptures sont pleines de mutacions, subversions et changemens des royaumes et des principautez, car comme les enfants naiscent et croiscent en hommes parfaiz et puis declinent a viellesce et a mort, ainsi ont seigneuries leur commencement, leur accroissement et leur declin. (CHART., Q. inv., 1422, 2) | | [2] | De sa vesture ne me puis je pas passer ne taire, et mesmement du mantel ou paille qui son corps couvroit, dont le merveilleux artifice fait a ramentevoir. (CHART., Q. inv., 1422, 7) | | [3] | Ce vous puis je mettre au devant que, aprés le lien de foy catholique, Naturevous a devant toute autre chose obligiez au commun salut du pays de vostre nativité et a la defense de celle seigneurie soubz laquelle Dieu vous a fait naistre et avoir vie. (CHART., Q. inv., 1422, 10) | | [4] | Et puis que tele est la loy que Nature y a establie, il fault dire que nul labour ne vous doit estre grief, que nulle adventure ne vous doit estre estrange a soustenir pour cellui pays et seigneurie sauver, qui depuis vostre nativité jusques a vostre mort est quant de soy ouvert envers vous a toute soustenance, et qui vous repaist et nourrit entre les vivans, et entre les mors vous reçoit en sepulture. (CHART., Q. inv., 1422, 11) | | [5] | Puis doncques que les grans conquereurs en la grant gloire de leur victoire ont esté avillez et amendriz par acueil de voluptez, quelle sceurté peuent avoir ceulx qui soubz les dangiers de tresperverse fortune s'endurcissent a delicieuse vie et corruption de leurs meurs? (CHART., Q. inv., 1422, 15) | | [6] | Je suis comme l'asne qui soustient fardel importable et si suis aguillonné et batu pour faire et souffrir ce que je ne puis. (CHART., Q. inv., 1422, 20) | | [7] | Le peuple si est membre notable d'un royaume, sans lequel les nobles ne le clergé ne pevent suffire a fairecorps de police ne a soustenir leurs estas ne leur vie, et ne me puis trop donner de merveille qu'il doye si estre habandonné a toute infelicité et persecuté par les autres membres subgiez a son mesmes chief, ne je ne voy meilleur similitude a ce propos sinon que nostre police françoise est comme l'omme furieux qui de ses dens mort et dessire ses autres membres. (CHART., Q. inv., 1422, 23) | | [8] | Je doy bien estre tenu pour excusé et delaissié pour si chetif que je suis, sansadjouster a ma misere blasme ou reproche, car douleur et mesaise me chacent a la mort si durement que je seiche sur le pié sans attente de mieulx, ne je ne scay plus sinon maudire qui ce me fait, plaignant ma grant douleur dont Dieu par sa pitié me vueille gectier et mectre briefment hors de ceste langoureuse vie, puis que desormais n'y puis demourer fors en orphanté. (CHART., Q. inv., 1422, 24) | | [9] | Je doy bien estre tenu pour excusé et delaissié pour si chetif que je suis, sansadjouster a ma misere blasme ou reproche, car douleur et mesaise me chacent a la mort si durement que je seiche sur le pié sans attente de mieulx, ne je ne scay plus sinon maudire qui ce me fait, plaignant ma grant douleur dont Dieu par sa pitié me vueille gectier et mectre briefment hors de ceste langoureuse vie, puis que desormais n'y puis demourer fors en orphanté. (CHART., Q. inv., 1422, 24) | | [10] | Par dessus tout ce, puis que tant me charges, te diray je plus. (CHART., Q. inv., 1422, 27) |
|
|
Attestation de 