| [1] | Et ne sçay que plus on pourroit dire de l'empereur Trayen dont les histoires font si grant mencion de sa justice, et que il meismes descendi de son cheval où il estoit montéz pour aler à la bataille pour faire droit et justice à une femme qui lui demandoit, car le roy Charles, qu'en fist il moins à Saint Germain-en-Laye une fois qu'il y estoit et une bonne femme, si que il issoit du chastel pour aler à la chace, vint crier à ses piez, se plaignant d'un de ses serviteurs que elle avoit logié en son hostel avoit efforciée une sienne fille, lequel, incontinent bien infourméz du cas apres la confession de lui meismes, n'en voult oncques ouir requeste de remission, ains tantost commanda qu'il fust pendus à un arbre à le veue de tous, si que les autres y prencissent exemple. (CHR. PIZ., Paix W., 1412-1413, 100) |
|
|
Attestation de 