| [1] | Et que porra ceste amour devenir, Nous en lairons bonne Amour convenir, Pité, Franchise et Douceur la courtoise, Qui scevent bien que tele chose poise, Qui sagement et tost y pourverront, Quant en ce point pour amer nous verront. (MACH., Compl., 1340-1377, 250) | | [2] | Et se ceulx qui seront deputez pour entendre aux comptes et aux besoingnes de vostre royaulme y voientle contraire, ilz y pourverront et en feront ceulx departir courtoisement sans blasme, pour l'onneur de vostre personne, et y ordonneront et y metteront aultres hommes notables, par l'advis et regard, premierement de vous et de vos seigneurs vos oncles et des prelas et des aultres barons notables de vostre royaulme. (FROISS., Chron. M., c.1375-1400, 26) | | [3] | A conseiller certeinnes requestes et lettres presentées par André du Molin, bourgoiz de Paris, contre Jehanne la Marcelle, sa femme, icelles veues et les informations, interrogatoires et responses et tout consideré: Il sera dit que la Court a ordonné et ordonne que ladicte Jehanne la Marcelle sera mise et enfermée enun lieu seur, honeste à par soy, et de ce faire donne congié et permission la Court audit André soubz IJ clefs despareilles, dont ledit André aura l'une, et J. Marcel, bourgoiz de Paris, cousin d'icelle femme, aura l'autre clef, lesquelx André et J. Marcel auront le gouvernement et administration de ladicte femme et chambre, et pourverront à icelle femme et comme de raison à ses enfans de vivres, vesteure et de toute autre maniere d'alimens necessaires et pertinens sur les biens de ladicte Jehanne la Marcelle, auxquelx ladicte Court les donne curateurs pour yceulx, inventaire premierement fait, garder, gouverner et cultiver deument aux despens, raisons d'iceulx biens, l'alienation des immuebles à eulx interdicte, et sans ce que des meubles ilx puissent aucune chose ailleurs mettre ne emploier que en ladicte provision de ladicte femme et de ses enfans et l'administration, garde, gouvernement desdiz biens sans le congié et licence de ladicte Court, dont ilz seront tenus de rendre compte en lieu et en temps convenable. (BAYE, II, 1411-1417, 246) | | [4] | Et finablement, veuz lesdis rooles et les arrestz mis sur le compte dudit Macé, et tout consideré, conclusum ut sequitur: il sera dit que ledit appel est mis au neant, et retournera ledit Macé par devant lesdis gens des Comptes, et ilz lui pourverront sur ses requestes autresfois à eulz faictes, et y besongneront de jour en jour, exepté ou regard de la requeste faicte sur le fait de la destrousse faicte sur ycellui Macé par les adversaires du Roy, ou regard de laquelle il poursuivra devers le Chancelier et les gens du Grant Conseil du Roy, afin de luy estre sur ce pourveu, et cependant demourra ycellui Macé prisonnier, sans autre execucion faire sur lui, ou baillera caucion souffisant de la somme de IJmVIIJcLV l. XIIJ s. VIIJ d. obole parisis. (FAUQ., II, 1421-1430, 301) | | [5] | Ce jour, la Court a eslargi maistre Michiel Claustre, conseillier du Roy, lequel avoit esté arresté prisonnier du commandement dudit de Morvillier, premier president, à l'occasion de certains biens appartenant au vicaire de Cligny, prieur de Coincy, dont ledit Claustre avoit eu la garde, si comme on disoit, et a esté fait ledit eslargissement jusques au XVe jour de novembre prochainement venant, sub penis et submissionibus, du consentement de maistre Jehan Bailli, procureur de l'evesque de Paris, et sans prejudice, et attendu que ledit maistre Michiel a requis que les mengeurs qui estoient en garnison en sa maison feussent mis hors et que ses biens lui feussent delivrez, sur quoy lui a estérespondu que les gens du Grant Conseil lui pourverront sur ce. (FAUQ., II, 1421-1430, 324) | | [6] | Et, ou regard de ouvrer par lesdiz de l'Empire en monnoie d'or, les parties seront sur ce plus à plain oyes, et, ce fait, la Court leur fera droit, et se cependant est neccessité de pourveoir sur ce, les generaulz maistres des monnoies y pourverront. (FAUQ., II, 1421-1430, 359) |
|
|
Attestation de 