| [1] | CES CHOSES ainsi faites, fu demandé par ledit mons. le prevost ausdis presens conseillers leurs advis et oppinionscomme l'en avoit à proceder contre ledit prisonnier, mesmement que par ledit mons. le prevost fu rapporté et relaté la question qui est de telz et samblables clers qui ne scevent lire ou cognoistre lettre aucune, il avoit parlé au grant conseil du roy nostre sire et à aucuns autres de nos seigneurs de la court de parlement, lesquelz lui avoient commandé et ordonné que tous telz gens qui se advoueroient et porteroyent pour clers, auquelz temps et terme avoit esté prefix d'enseigner de leurs tiltres de tonsure, et qui ne saroient lire ou cognoistre lettre aucunne, et lequel terme seroit expiré, que pour savoir la verité de leurs bouches s'ilz estoient clers, et avoient couronne à juste cause, ou non, ou qui les avoyent prins de leur auttorité, ilz feussent mis à question, et que, selon ce qui confesseroient, que l'en procedast contre eulx à leur absolucions ou reddicions comme clercs, s'ilz estoyent clers, et, si non, à leurs condampnacions comme à faire seroit de raison. (Reg. crim. Chât., I, 1389-1392, 246) |
|
|
Attestation de 