| [1] | Semiramis de Babilone laissa bien a moictié ses cheveulx a peigner, quant en les peignant on lui denonça la rebellion de sa cité, et demoura l'atour de son chief demy a point et demy desordonné jusques a ce qu'elle eust par povoir d'armes sa cité mise en subjection. (CHART., Q. inv., 1422, 16) | | [2] | Si fault par force dire que, s'ilz ont riens d'avance qui les eslieve sur vous, c'est hardement de courages, et, se vous avez riens qui soubz eulx vous deprime, c'est la multitude de voz pechiez qui convertit vostre cuer en fuye et laissez estaindre la lumiere de vostre gloire et destruire vostre seigneurie devant voz yeulx, sans remede y querir ne mectre, si non que la grace de Dieu y euvre de soy, a laquelle deservir vous metez petite peine, et ne povez en ce point longuement temporiser sans veoir decheoir le nom françois a vostre pardurable vitupere et malediction. (CHART., Q. inv., 1422, 19) | | [3] | Haa, mere, jadiz habondant et plantureuse de prosperité et ores angoisseuse et triste du declin de ta lignee, je reçoy bien en gré ta correction et cognois que tes plaintes ne sont point desraisonnables ne sans cause, maiz trop m'est amere desplaisance que j'aye de ce meschief la perte et le reproche ensemble et que m'en doiez en riens tenir suspect quant d'autruy coulpe je porte la tresaspre penitance. (CHART., Q. inv., 1422, 20) | | [4] | Et dont les pluseurs pour se mectre en point de bien servir ont leurs terres vendues et engaigees et par aprés cheent en povreté. (CHART., Q. inv., 1422, 29) | | [5] | Et pour conclurre sur ce point du temps dont tu parles et de cestui, j'appelle les vivans a tesmoingque tu t'es selon toy desroyé en tes estaz trop plus que nous, et tu en vois encores les ensaignes, quant ung varlet cousturier et la femme d'un homme de bas estat osent porter l'abit d'ung vaillant chevalier et d'une noble dame et dont ilz souloient estre en court de prince tresbien parez. (CHART., Q. inv., 1422, 40) | | [6] | Et, se tu veulxresponce à tes chargans parolles qui touchent des places habandonnees sans gueire de defense, je te dy, pour plus avant entrer, que aussi en trouveras tu qui moult puissamment ont esté defendues sans point de secours, et est force que en guerre si entremeslee et dangereuse ait des biensfaiz et des faultes; (CHART., Q. inv., 1422, 42) | | [7] | Longue fut et trop attaigneuse que il n'affiert lacontention de ces deux, qui estrivoient ensemble par parolles mordans treshaineusement, et sans nul mot dire les escoutoit le tiers qui de coste se seoit, ne encores n'avoit ouvert sa bouche jusques a ce qu'il vit les parolles trop multiplier et approucher aux faiz et qu'il se senti point et aguillonné de la charge que chascun boutoit de soy pour verser sur lui couvertement, et fut l'entrée de son parler tele: LE CLERGé. (CHART., Q. inv., 1422, 43) | | [8] | Et se des oeuvres passees en ce temps de guerre se peut faire rapport sans vanterie et sans arrogance, on a peu veoir, en pou de jours, ung prince en joune aage esloignié par fureur et sedicion de la maison royal dont il est filz et heritier, guerroyé de ses ennemis, assailli de glaive et de parolles de ses propres subgiez, doubteusement obey du sourplus de son peuple, delaissié de ses aides principaulx ou il se devoit fier, despourveu de tresor, encloz de forteresses rebellans, et qui bien a tout comparé et remembré les tristours des choses de ce temps jusques a ores, quoyque les faiz de ceste seigneurie ne soient comme chascun bon cuer doit desirer, n'a pas esté sans paine, appensement et diligence de les remectre de si bas point en l'estat ou nous les voions jusques cy, Dieu en est tesmoing. (CHART., Q. inv., 1422, 47) | | [9] | D'autres faultes peut assez avoir sur ce point, car justice et liberalité sont deux vertuz qui regardent les guerdons et les largesses et les poisent et mesurent egalement selon les droiz et les dessertes. (CHART., Q. inv., 1422, 51) | | [10] | Ainsi le trop qui va d'une part n'a point de contrepois, si ne peut la balance soy tenir droicte ne la mesure estre gardee. (CHART., Q. inv., 1422, 51) |
|
|
Attestation de 