[1] | XI Car comment que Desirs m'assaille Et me face mainte bataille Et poingne de l'amoureus dart, Qui souvent d'estoc et de taille Celeement mon cuer detaille, Certes bien en vain se travaille, Car tout garist son dous regart Qui paist d'amoureuse vitaille Mon cuer et dedens li entaille Sa biauté fine par tel art Qu'autre n'est de quoi il me chaille, Et des biens amoureus me baille Tant qu'il n'est joie qui me faille Que n'aie de li que Dieus gart. (MACH., R. Fort., c.1341, 24) |
|
|