| [1] | Mon Dieu, a vous je me rens,coulpable de tant de maulx que l'horreur d'y penser m'a souventefois voulu oster le hardement de plus me oser nommer vostre creature, mais confiant de voz benignité, amour, clemence et doulceur, a present en tel honneur, reverence et humilité qu'il m'est possible, tresdesplaisant que mieulx ne le puis faire, vous cry mercy des ingratitudes, offenses et inobedience que puis le temps de ma naiscence ay commis contre le plaisir de vostre pardurable seigneurie, faisant humble supplication a vostre amyable, piteuse et debonnaire misericorde qu'il lui plaise evocquer davant elle ma damnable et criminelle cause, pendante devant la fureur, rigueur et yre de vostre tresredoubtee justice, et ne souffrir contre ma povre ame, ouvraige de voz sainctes mains, estre donnee la sentence deue et qui appartient a ma desserte, mais a l'exaltation, louange et magnificence de vostre souveraine majesté me vueillez impartir une belle, ample et planiere remission, signee du sainct signe de vostre fructueuse croix et selee du seau des armes de vostre tresprecieuse, louable et glorieuse passion. (MESCHIN., Lun. princes M.-G., c.1461-1465, 32) | | [2] | Messire Gadiffer de la Sale, seneschal de Bigorre, a fait exposer à la Court que pour veoir et recevoir certaine enqueste faicte en une cause pendante ceans entre le dit seneschal d'une part, et Arnaudon de Vezien, filz de feu maistre Dominique de Vezien, d'autre part, icellui seneschal est adjournez à comparoir en personne en la Court de ceans à lendemain de Quasimodo prochainement venant, à laquelle journée le dit seneschal ne pouroit bonnement comparoir en personne ceans, pour la grant occupacion qu'il a pour le gouvernement de son dit office et autrement. (6205, 394) | | [3] | Presentacions et devoirs accoustumés furent faictz, et leurs lances baillées, dont il advint que, de celle premiere course ledit de Vauldrey donna tel cop au clou de la visiere du conte, qu'il rompit ledit clou, et demoura ladicte visiere desclouée et pendante à l'aultre clou, et avoit le conte le visage descouvert. (LA MARCHE, Mém., I, c.1470, 326) |
|
|
Attestation de 