| [1] | L'AN DE GRACE MIL TROIS CENS IIIIxx ET ONZE, le dimanche XXIIIJe jour de decembre, de relevée, par devant maistre Jehan Truquan, lieutenant de mons. le prevost, presens maistre Hutin de Ruit, examinateur ou Chastellet de Paris et Andriet Le Preux, nottaire du Chastellet, fu fait venir et attaint en jugement, sur les quarreaux dudit Chastellet, Adam Charretier, pasticier et oubloyer, né de Plouviers le Chastel, prisonnier detenu oudit Chastellet, et admené à la complainte Gilequin Maquelart, mercier, demourant devant le Sepulcre, disant, en la presence dudit prisonnier, que hyer, qui fu samedi, environ après heure de vespres, que l'en faisoit et celebroit le salut devant Nostre Dame, estant ou Sepulcre de Paris en la maniere acoustumée, ainsi comme il achetoit et prenoit des chandelles de cire à une chandeliere estant en ladite eglise, senti comme l'en lui coppa par derriere le mordant de la sainture qui pendait à icelle, et lequel lui a esté presentement monstré; (Reg. crim. Chât., II, 1389-1392, 380) |
|
|
Attestation de 