Attestation dans les corpus textuels   Attestation de pays dans 7FMR  11 attestations   Page 1 2/2  [1] Ce vous puis je mettre au devant que, aprés le lien de foy catholique, Naturevous a devant toute autre chose obligiez au commun salut du pays de vostre nativité et a la defense de celle seigneurie soubz laquelle Dieu vous a fait naistre et avoir vie. (CHART., Q. inv., 1422, 10) [2] Et puis que tele est la loy que Nature y a establie, il fault dire que nul labour ne vous doit estre grief, que nulle adventure ne vous doit estre estrange a soustenir pour cellui pays et seigneurie sauver, qui depuis vostre nativité jusques a vostre mort est quant de soy ouvert envers vous a toute soustenance, et qui vous repaist et nourrit entre les vivans, et entre les mors vous reçoit en sepulture. (CHART., Q. inv., 1422, 11) [3] Retournons au fait des homes et jugons nous mesmes par autruy, et nous souviengne que, comme tesmoignent les anciennes histoires, les Troyens pour leur pays defendre soustindrent le siege des Grecs par dis ans devant leur cité. (CHART., Q. inv., 1422, 12) [4] Le pays de Languedoc, en la prise du roy Jehan, se mua en vesteures et gouvernement de hommes et de femmes en laissant toute remonstrance de leesce et festivité. (CHART., Q. inv., 1422, 16) [5] Et depuis occuperent et prindrent le pays pour eulx, quant ilz le sentirent despourveu parguerre de sa bonne chevalerie, et par traïson, soubz faintise de paix, occirent le sourplus de la noblesce du païz. (CHART., Q. inv., 1422, 17) [6] Voz ennemis anciens et naturelz vous assaillent a leur entreprise et viennent chalengier vostre terre et vostre pays sur vous, ilz sont assaillans et vous estes defendeurs, ilz veulent asservir vostre liberté et vous avez a vous deffendre de leur servage, ilz quierent vostre mort et perdicion, et nature vous oblige à defendre vostre sceurté et vostre vie, ilz se efforcent d'oster et ravir par force la vie et la substance de voz femmes et enfans que nature vous contraint a doulcement nourrir et tendrement amer, ilz veulent debouter vostre prince droiturier et seigneur naturel que voz vies et voz corps sont tenuz defendre et tendent occuper le siege royal pour vous defouler soubz leur tirannie. (CHART., Q. inv., 1422, 18) [7] Enviz entreprendriez les conquestes de voz predecesseurs qui sommistrent grant partie de Grece en leur subjection laquelle de leur nom s'appelle encores Gallogrecie et conquisrent Romme jusques au Capitole, etc., quant la terre, sur quoy vous habitez et qui vous soustientet donne pasture, vous ne povez pas secourir ne defendre et vous laissez estre comme exiliez sur vostre mesmes pays, que delaisser ne voulez ne garder vous ne savez. (CHART., Q. inv., 1422, 18) [8] Et pour faire une abhominable somme de mes males mescheances infinies, je ne voy autre demourant ou exploit des longues guerres de ce royaume, si non terres en fresche et pays inhabité, multitude de veufves et d'orphelins chetifz, mendians et desolez, et mutacion de biens, qui des mains de ceulx qui les ont gaignez sont transportéz aux plus fors et ravissans. (CHART., Q. inv., 1422, 22) [9] Or se plaint le peuple de nous, or crient et murmurent les communes gens contre la seigneurie pour l'argent qui sur eulx est aucunesfois levé pour la defense du pays. (CHART., Q. inv., 1422, 32) [10] Or est le demaine en partie occupé par les ennemis et de l'autre partie degasté par ceulx qui sur les pays vivent, et si sont les aides, qui lever se souloient pour le fait de la guerre, cessez et du tout pour le relievement du peuple. (CHART., Q. inv., 1422, 50) 11 attestations   Page 1 2/2  Fermer la fenêtre