| [1] | Une foiz le fault essayer A tous les bons en leur endroit Et le devoir d'Amours payer, Qui sur frans cuers a prise et droit, Car Franc Vouloir maintient et croit Que c'est durté et mesprison Tenir un hault cuer si estroit Qu'il n'ait q'un seul corps pour prison. (CHART., B. Dame, 1424, 350) | | [2] | C'est merveilles que de son fait Tout fait faire quan que l'en fait Esperance, mais, qui la croit Du tout en tout, souvent acroit Trop plus qu'il ne pourroit payer, Ne l'ont pas maint a essayer. (CHR. PIZ., M.F., I, 1400-1403, 93) | | [3] | Ceste dame garde la porte Du chastel .IIe. et ennorte Trestoute maniere de gent, Tout n'ayent il or, ne argent, D'entrer ens, sanz payer truage. (CHR. PIZ., M.F., I, 1400-1403, 94) | | [4] | Acquitee est du truage, Que payer faut a cel passage. (CHR. PIZ., M.F., I, 1400-1403, 104) | | [5] | Trestous y doivent le truage, N'i a roy, ne prince avantage, Tous sont a celle servitude, Combien qu'on mette grant estude A eslongner celle journee, Mais toute creature nee Couvient par celle porte issir, Combien que sur tout desplaisir C'est cil ou plus chacun aconte, Car payer faut et rendre compte. (CHR. PIZ., M.F., I, 1400-1403, 105) | | [6] | Les uns, pour estre diligens, L'ont gaigné par aucune office, Aultres par tenir benefice, Aultres par sens et bon conquest, Aultres par fraude et mal acquest, Aultres, sanz estre sage ou meur, L'autre d'aventure et droit eur, Et ainsi chacun a sa part Des biens, que Richece depart, Car tous par elle sont parti, Dont maint vivent en dur parti, Qui ne pevent nul bien avoir Et si sont bons et ont savoir, Mais les grans seigneurs terriens Seigneurie ont sur toute riens En ces avoirs plus qu'aultre gent, Pour eulx amasse l'en l'argent Et l'or, car tuit, grant et menu,Sont a eulx payer treu tenu Et chacun leur doit porcion De ses biens, par l'ocasion De droit de prince et de seigneur, Aussi doivent tuit li greigneur Princes leur peuple en paix tenir Et justice et droit maintenir Et tout le peuple a eulx soubzmis Deffendre de tous ennemis. (CHR. PIZ., M.F., I, 1400-1403, 140) | | [7] | Mais, Dieux soit louëz que g'i vise Une place belle a devise, Qui, tout ainsi comme la rose Entre les espines est close, Est celle belle place coye Assise, ou on ne se desvoye, Telle que chacun doit amer, Assise ou milieu de la mer, Jadis des bons Troyens fondee, Lesquieulx, pour non payer souldee Et tribu a homme vivant, Qui les peüst aler suivant, Ne vouldrent mie dessus terre Leur habitacion acquerre, Et, pour ce, en la mer la fonderent Et pou a pou puis l'amenderent ; (CHR. PIZ., M.F., II, 1400-1403, 19) | | [8] | Je me doubt qu'ancor dure La desloyal mesaventure, Et que maint, pour flater seigneurs, Et estre environ eulx greigneurs, Treuvent d'avoir argent cautelles, Sanz raison, dont mains leurs cotelles Couvient qu'ilz vendent, pour d'argent Finer, quant ilz sont povre gent, Ou le leur vendre ou engagier, Pour finer, non pas de legier, A payer mainte estrange charge. (CHR. PIZ., M.F., II, 1400-1403, 50) | | [9] | Nennil, faillis est orendroit, Et justice, qui favourable Leur doit estre, n'est pas durable Adés pour elles, se de quoy Bien payer n'ont, mais en requoyOn leur dira belles leçons ! (CHR. PIZ., M.F., II, 1400-1403, 94) | | [10] | Le monde mist tout en desroy, Car n'i avoit prince, ne roy, A qui ne voulsist courre sure, Et cil leur apprist la morsure D'armes porter et de batailles,Et de faire toultes et tailles Sur le peuple, et payer treü, Qui puis est partout acreü. (CHR. PIZ., M.F., II, 1400-1403, 184) |
|
|
Attestation de 