| [1] | Pour ce te dy que de la grant planté de biens et des richesses du temps paisible les puissans et les nobles hommes ont usé en gast et dissolution de vie et en ingratitude et descongnoissance de Dieu, qui a suscité contre eulx le murmure du peuple. (CHART., Q. inv., 1422, 37) | | [2] | Et se l'en demande d'autre part quel aide vient au prince de ses subgiez, la responce en est clere, car la verité en est cogneue a chacun, et qui comparage le temps de paixja passez a cellui qui est de present, longue difference trouvera entre les aides faiz au prince en cellui temps paisible et cellui que on lui fait en ce temps besongneux. (CHART., Q. inv., 1422, 50) | | [3] | Les tresesleuz ensaignemens de Aristote pratiquez par voies de fait firent toutes choses subgectes et seurmontables a la chevalerie d'Alixandre, la constance et courageuse amonicion du roy Preamus redoubla la proesce du vaillant Hector, les aguaitz et advisé gouvernementde Hannibal firent a ses gens passer les Alpes et les grans maraiz et merveilleux passaiges sans grans dommaiges, les entreprinses et exercice d'armes du roy Charles le grant donnerent a Rouland, Ogier et Olivier leur grant renommee qui encores dure, et le meur adrecement et hault esgard du roy Charles derrenier mort fist le bon Bertran tant de foiz vaincre les ennemis glorieusement et le royaume de grief maleur soy ressourdre en paisible bieneureté. (CHART., Q. inv., 1422, 62) | | [4] | Salmon le roy tres sage et paisible en fait la preuve, quant tant de livres de sainte doctrine escripvit, et par sens et science dissipa toute iniquité, et getta de sa seigneurie en son temps meschief et discorde. (CHART., L. Esp., c.1429-1430, 73) | | [5] | Et se nous voulons entrer en compareison, quelle chose peult estre plus divine en contemplation, plus juste a bien vivre, plus honneste en humanité, plus riglee en meurs, plus proufitable a chacun, plus paisible pour tous, plus garnie de bonne esperance et tendant a souverain guerdon, que sainte crestienté? (CHART., L. Esp., c.1429-1430, 127) | | [6] | Mais quel fortune amere Cuert sus a femme, et quel misere, Quant pert mari bon et paisible, Qui preudoms l'avoit et sensible Selon soy, et qui l'avoit chiere ! (CHR. PIZ., M.F., II, 1400-1403, 93) | | [7] | Pour ce tout pays conquestoit, Car signeurie si paisible N'iert com la sienne, et si sensible ; (CHR. PIZ., M.F., IV, 1400-1403, 50) | | [8] | Certes, plus que ne dit le latin cy dessus allegué, oncques la marine apres l'aspreté de tempesteux orage qui l'a troublés redevenue paisible ne le ciel esclarcy de nuble et obscur temps ne quelconques autres compairisons que on y peust mectre ne sont souffisans à la multitude des joyes que aporte guerre tremuée en paix ne chose n'est regardée de si haitie et joyeux corage ne tant benuerée. (CHR. PIZ., Paix W., 1412-1413, 91) | | [9] | La proprieté de ceste, ce dit Senecque, est que elle fait l'omme paisible, debonnaire, souef, rassis, doulx, et reposé, et desprisier et mectre en non chaloir injures et offences. (CHR. PIZ., Paix W., 1412-1413, 103) | | [10] | amassoit et tiroit environ soy tous beaulz hommes fors et bien combatans, qu'il povoit avoir, constant en deliberé propos, fier et courageux contre ses anemis, doulz, paisible et tres familier à ses amis, et, à privé entre ses serviteurs si tres humble et tant humain que plaisir estoit de lui servir. (CHR. PIZ., Faits meurs Ch. V, S., I, 1404, 136) |
|
|
Attestation de 