| [1] | Item, cogneut que, un pou paravant ce que ledit Mathelart fu emprisonné la derreniere fois ou Chastellet, et avant ceste presente prinse, il qui parle et ledit Mathelart estans en la ville d'Enthoigny, fu par icelli Mathelart veu et advisé une fenestre qui estoit ouverte en une maison d'icelle ville, par laquelle fenestre, à l'ayde de lui qui parle, icelli Mathelart entra dedens ledit hostel, et, lui estant dedens icellui, ouvry à lui qui parle l'uys dudit hostel, et eulx estans en ycellui, prindrent illec plusieurs pos, plas, pintes et escueles d'estain, avec une ou deux pailes d'arain, chauderon et pot de cuivre. (Reg. crim. Chât., II, 1389-1392, 42) | | [2] | ET, CE FAIT, après ce que ladite Marion ot de rechief juré aus sains Euvangiles de Dieu dire verité des accusacions cy-dessus contre elle faites, dit et afferma par serement qu'il est verité que aucunes fois et plusieurs elle a acheté aucuns biens comme pailes d'arain, escueles et plas d'estain, quant elle y veoit son acquest, et pour en faire son prouffit les a revendus ès hales. (Reg. crim. Chât., II, 1389-1392, 427) |
|
|
Attestation de 