| [1] | Et tant que il qui parle, veant que il n'avoit plus de quoy soustenir icellui procès, tempté de l'ennemi, saichant que en l'ostel de Symon Poette, demourant en la Truanderie, à l'enseigne de l'Escu de France, ouquel l'en avoit acoustumé de vendre vin, et avoit beu en icellui par plusieurs fois, par chascune nuyt au soir les varlès dudit hostel fermoient l'uys d'icelle taverne, et s'en aloient gesir en l'ostel dudit Pouette, leur maistre, à Petit-Pont, XV jours paravant le Lendit derrenierement passé, après heure de cuevre-feu, se parti de son hostel ayant son mantel vestu et une chandele ardant en ses mains, vint à l'uys dudit hostel de l'Escu de France, cuidans entrer en icellui par ledit huys, entra en icellui hostel par une haulte fenestre qu'il trouva ouverte, avec soy ladite chandele, et, lui estant seul oudithostel, print en icellui cinq pintes d'estain, dont les quatre sont rondes et une quarrée, trois choppines rondes, quatre nappes, deux touailles, neuf escueles, sept saulcieres d'estain et quatre flacons d'estain, deux aumusses vermailles, trois chapperons à homme, une piece de velueau vermail, un bacin à barbier, une paile d'arain et un plat d'estain, avec deux gobelez d'argent, par lui vendus à un orfevre devant l'eglise Saint-Lieffroy, la somme de six frans et demi. (Reg. crim. Chât., II, 1389-1392, 256) | | [2] | En laquelle ville de Guerart, eulx venuz, elle qui parle fu prinse et tirée à part par icelle Macete, femme dudit de Ruilly, et priée et requise très-instanment que elle voulsist dire audit de Ruilly, son mary, s'il lui demandoit se il estoit envoulté, que elle deist que ouyl, et que c'estoit par une nommée Gilete Verriere, demourant à Paris, à la porte Baudoer, laquele avoit eu deux enfans de lui, et à laquelle aussi il avoit donné une paile de fer et une cuillier d'arain. (Reg. crim. Chât., II, 1389-1392, 304) | | [3] | Et lors li dist que elle savoit bien la maniere du faire, et de fait lui monstra une petite paele d'arain ronde, du tour d'une petite escuele d'estain, en laquelle elle avoit mis de la cire et de la poiz merlez ensamble, et que quant elle vouloit que sondit mary empirast, elle mettoit icelle paile sur le feu tant que elle faisoit frire laditte cire, icelle remuoit à une petite cuillier, et que par tant de fois comme l'en vouloit qu'il empirast à celui que l'en vouloit faire estre bien malade, l'en mettoit icelle paile sur le feu pour frire, et remuoit l'en icelle cire et poix à laditte cuillier, et que alors celui en quel entente l'en faisoit ceste chose, il lui sambloit que l'en le piquast d'aguilles parmi le corps, telement li esmouvoit et espoingnoit le corps. (Reg. crim. Chât., II, 1389-1392, 306) | | [4] | Et lors li dist que elle savoit bien la maniere du faire, et de fait lui monstra une petite paele d'arain ronde, du tour d'une petite escuele d'estain, en laquelle elle avoit mis de la cire et de la poiz merlez ensamble, et que quant elle vouloit que sondit mary empirast, elle mettoit icelle paile sur le feu tant que elle faisoit frire laditte cire, icelle remuoit à une petite cuillier, et que par tant de fois comme l'en vouloit qu'il empirast à celui que l'en vouloit faire estre bien malade, l'en mettoit icelle paile sur le feu pour frire, et remuoit l'en icelle cire et poix à laditte cuillier, et que alors celui en quel entente l'en faisoit ceste chose, il lui sambloit que l'en le piquast d'aguilles parmi le corps, telement li esmouvoit et espoingnoit le corps. (Reg. crim. Chât., II, 1389-1392, 306) | | [5] | Et dit, sur ce requise, que, en la compaignie d'icelle Macete, et eulx deux presentes, et par deux fois, et environ deux ou trois jours ensuivans l'un de l'autre, elle qui parle et ladite Macete ont fait frire sur le feu ladite cire et poix, et remué à ladite cuillier, d'un commun assentement et volenté, et que quant elles mectoient icelle paele sur le feu, ladite Macete apportoit le pot de terre ouquel ledit botereau estoit près du feu, ainsy comme à IIJ ou IIIJ piez, sans y faire autre chose quelconques que elle qui parle sceust ou apperceust, ne ne veist qu'il eust en icelle paele aucune figure ou pourtraiture d'omme nul, jà soit ce que elle regardast dedens icelle pour veoir et adviser à son povoir ce qui dedens icelle paile estoit. (Reg. crim. Chât., II, 1389-1392, 307) | | [6] | C'est assavoir: que de la cire et poix que elle avoit veu en icelle paile, au soir, quant elle sauroit que sondit amiseroit couchié, elle prenist icelle paille, la mist sur le feu tant, et feist icelle cire frire aucunement, et la remuast à ladite cuillier; (Reg. crim. Chât., II, 1389-1392, 307) | | [7] | et se dedens iceulx nuef jours il n'espousoit elle qui parle, que elle revenist devers li, et elle lui bailleroit ledit botereau, lequel elle piqueroit par la maniere que dit est cy-dessus, et le venin qui d'icellui ystroit elle meist en ladite paile de fer, et le feist frire avec laditte cire et poix, et que quant elle auroit ce fait, que elle retournast devers icelle Macete, et elle lui diroit et enseigneroit la maniere comment elle feroit mengier audit Hennequin, son ami, de ladite cire, sans ce que à ceste cause il receust mort aucune. (Reg. crim. Chât., II, 1389-1392, 308) | | [8] | Ouye laquele Macete, elle deposant, pour la très-grant ardeur d'amour que elle avoit audit Hennequin, son ami, et pour l'amour des enfans que elle avoit euz d'icellui, tandant afin qu'il espousast icelle deposant, print et emprumpta d'icelle Macete, en un certain jour ensuivant les parolles dessus dites, à elle dites, la paile et cuillier dont cy-dessus est faite mencion, et la cire et poix qui estoit dedens icelle paile; (Reg. crim. Chât., II, 1389-1392, 308) | | [9] | Ouye laquele Macete, elle deposant, pour la très-grant ardeur d'amour que elle avoit audit Hennequin, son ami, et pour l'amour des enfans que elle avoit euz d'icellui, tandant afin qu'il espousast icelle deposant, print et emprumpta d'icelle Macete, en un certain jour ensuivant les parolles dessus dites, à elle dites, la paile et cuillier dont cy-dessus est faite mencion, et la cire et poix qui estoit dedens icelle paile; (Reg. crim. Chât., II, 1389-1392, 308) | | [10] | et ces choses, elle qui parle, à un jour dont elle n'est recorde, que elle avoit aporté vendre fromaiges en ladite ville de Guerart, mist et envelopa en sa robe, et iceulx porta en sondit hostel à Besmes, ouquel hostel, de nuyt, et par deux fois ensuïans l'un l'autre, elle mist frire sur le feu, et de nuyt, depuis que sondit ami estoit couchié et endormi, ce qui estoit dedens ladite paile, et, elle couchée auprès de sondit ami, print d'icelle cire et poix par deux fois et par deux nuyz entresuïant, et en oigny sondit ami entre deux espaules par la fourme et maniere que dit et enseignié li avoit ladite Macete, sans ce que, pour cause de ladite ointure, elle qui depose seapperceust oncques que sondit ami la voulsist pour ce plus tost espouser que paravant avoit fait, jà soit ce que plusieurs fois paravant ce que dit est elle en eust icellui Hennequin prié et requis. (Reg. crim. Chât., II, 1389-1392, 308) |
|
|
Attestation de 