| [1] | Le roy ouy le cas et considerala simplece de toutes les .II. pars, dit que voirement paieroit Simon Dammartin les mille frans au chevalier, comme fort estoit obligiés de non les rendre fors à lui ; (CHR. PIZ., Faits meurs Ch. V, S., II, 1404, 71) | | [2] | Un autre clerc, riches homs, et de la court du roy Charles, qui assez estoit invistigeur desecretes sciences, pria moult à l'aultre qu'i lui voulsist enseigner à faire le dit azur, et comme il en feist grant difficulté, à la perfin s'obligia qu'il lui en paieroit .C. frans, et l'autre lui promist à apprendre par si que il jura grant serement que jour de sa vie ne l'apprendroit à aultre. (CHR. PIZ., Faits meurs Ch. V, S., II, 1404, 76) | | [3] | et, comme cellui le menast par paroles, enfin lui dist que riens ne lui en paieroit, car il lui devoit apprendre à faire l'azur, et ne lui avoit mie apris, car il ne le sçavoit faire. (CHR. PIZ., Faits meurs Ch. V, S., II, 1404, 77) | | [4] | et y estoit mise hors une commune fame parmy Angleterre que on feroit une taille et que cascun feu paieroit un noble; (FROISS., Chron. M., c.1375-1400, 23) | | [5] | Mais ce duc d'Irlande avoit une dame de mere, vaillante dame, et prude femme, qui s'appelloit contesse dou doaire, contesse d'Asquessufort, laquelle n'estoit pas de l'accort de son filz, mais luy blasmoit amerement ses folies et luy disoit que Dieux s'en courceroit et l'en paieroit ung jour, tellement que tant l'envenroit à repentir; (FROISS., Chron. M., c.1375-1400, 47) | | [6] | Et oultre promettons que se il advenoitque aucun de nostre lignage se clamoit d'icellui marché et que il eust et ratreist icelle terre par marchié deboursé, à rendre et restituer aux dis escoliers la dicte somme de deux cens escus, au cas que la dicte ratreeur ne les rendroit et paieroit. (6205, 430) | | [7] | et aussi se soit semblablement obligié en la compaignie du dit Monseigneur Regnault au dit Baudouin que se aucun se clame du dit Baudouin pour avoir icellui adquis de la dicte vendue, terre, fieu et seigneurie de Gourcel, à quelque tiltre que ce soit, et il ne rende, paye et baille au dit Baudouin toute et telle somme d'argent ou d'or par luy baillié d'icelle terre, lieu et seigneurie de Gourrel, que icellui Monseigneur Jean de Bethencourt luy rendroit, paieroit et bailleroit le sourplus de ce qu'il se deffaudroit que le clamant ne bailleroit au dit Baudouin; (6205, 473) | | [8] | Et aussi se submist et obliga le dit Monseigneur Regnault au dit Monseigneur Jehan, son frere, que si aucun se clame de luy pour avoir la dicte terre à quelque tiltre que ce soit, que il ne traitera, appointera ne delessera le dit vendre en aucune maniere que ce soit, en l'absence du dit Monseigneur Jehan, affin que de l'argent que paieroit et bailleroit celui qui de luy se clameroit, l'en payast et vendist au dit Baudouin la somme d'or ou d'argent par lui baillie au dit MonseigneurRegnault de la dicte terre, ainsi que tenus et obligez y sont. (6205, 473) | | [9] | Et fu ordonné que de cy en avant chascun nouvel advocat receu au serment paieroit IJ escus ou IJ frans, et un chascun procureur samblablement receu de nouvel un escu, pour dire les messes acoustumées en la sale du Palaiz, auquelles avoit defaut de paiement, et fu ce publié par le Chancellier. (BAYE, I, 1400-1410, 178) | | [10] | Ce jour, sur ce que maistre Hugues Grimaut, doien de Noyon et conseiller du Roy ceans, estoit dès janvier derrain passé alé en court de Romme qui seoit à Boloigne la grace, porter le roole de la Court pour estre signé et receu par le pape Alexandre Quint qui lors regnoit, pour le salaire duquel chascun des inrotulez eust baillié IIJ frans, et pour ce que pendent le temps que ledit Grimaut estoit en court de Romme, trespassa ledit Alexandre environ le XXIIIJe d'avril derrainpassé,negotio Curie ibidem imperfecto,et assez tost après eust esté esleu le cardinal de Bouloigne d'en Pape, qui a esté et est nomméJohannesXXIII,et ait esté mandé audit Grimault de par la Court qu'il attendist pour parfaire ladicte besoigne, et pour soustenir ses frais et despens la Court lui envoyeroit cent escus, pour ce que ce qu'avoit receu pour son salaire ne suffisoit pas : a esté ordonné que un chascun de celx qui ont esté mis audit roole paieroit un escu, et se aucuns des seigneurs ou autres qui prennent gages ou presens, qu'il ne paient pas ou que ne weillent ou puissent de present paier, sera dit par le graphier de par la Court à cellui ou celx qui paient les gages des dessusdiz que pour un chascun retiegne J escu qui sera delivré à maistre Guillaume de Gaudiac, doien de St Germain et conseiller du Roy ceans, qui s'est chargié pour la Court de faire finance audit Grimault de ladicte somme de cent escus, et ce qui sur ce est desjà paié lui sera delivré par le graphier. (BAYE, I, 1400-1410, 323) |
|
|
Attestation de 