| [1] | donnanz et octroyanz a ses diz procureurs et a chascun par soy pour le tout plain pooir, auctorité et mandement especial de ester pour lui en jugement et hors, de lui deffendre et essoinier, de plait entamer, de plaidier, convenir, reconvenir, faire demandes, raisons et replicacions de droit et de fait, poser, respondre aus posicions, traire et admener tesmoings,veoir jurer tesmoings, dire contre eulz, leurs diz et leurs deposicions nyer, congnoistre, jurer en l'ame de lui toutes manieres de seremenz que ordre de droit requiert et enseigne, pacefier, compromettre, faire valoir compromis par soy et par paine, d'oïr droiz, arrez interlocutoires et sentences diffinitives, de appeller de griefs et de sentence, poursuivre l'appel ou appeaux, renouveller lez, se mestier est, ou y renoncier, et de faire tout autant des dites choses et des deppendances comme il feroit, se presenz y estoit, ja soit ce que elles requeissent mandement especial. (Chartes Abb. St-Magl. T.F., t.3, 1330-1436, 156) | | [2] | laquelle fist, ordena et estably, pour elle et en son nom, ses procureurs generaux et certains messagiers especiaulx Jehan Rigaut, Guillemim Rigaut, Gillet de l'Angle, escuiers, Guillemin Rat,Robin Nuz, Jehannin Gozet, Jehan de Nevers et Thierry de la Porte, porteurs de ces lettres, tous ensemble et chascun d'eulx par soy et pour le tout, en maniere que la condicion de l'un ne soit meilleur de l'autre, et tout ce que l'un aura encommencié l'autre puisse reprendre, poursuivre et mener a fin, en toutes ses causes, querelles et besongnes que elle a et entent a avoir, meues et a mouvoir, tant pour elle comme contre elle, tant en demandant comme en deffendant, contre toutes personnes clers et lays, pardevant touz juges tant de court d'eglise comme de court seculiere, quelz qu'il soient et de quelconques pooir et auctorité qu'il usent ou soient fondez, donnant et ottroyant a ses diz procureurs, a touz ensemble et a chascun d'eulx par soy et pour le tout, plain pooir, auctorité et mandement especial de ester et comparoir pour elle en jugement et hors ycellui, et toutes ses causes et besongnes excuser, deffendre et essoinier, pledier pour elle, entamer plait ou plaiz, convenir, reconvenir, proposer, et, se mestiers est, par escript bailler toutes manieres de faiz, raisons ou exempcions declinatoires, dilatoires, perhemptoires et autres quelconques, repliquier, dupliquier, tripliquier, congnoistre, nyer, advoer, desadvoer, jurer en l'ame de elle toutes manieres de seremens que ordre de droit requiert, poser, respondre aus posicions et aus faiz et articles de partie adverse, amener tesmoings, mettre lettres et instrumenz en fourme de preuve, dire contre ceuls et leurs diz qui contre elle seront amenez, oïr droiz, arrez interlocutoires et sentences diffinitives, appeller de toutes manieres de griez et de sentences, poursuir leur appel ou appeaulx, yceuls renouveller ou y renoncier, pacefier, accorder, composer, transigier, promettre, compromettre, faire valoir compromis par soy, par paine et autrement, de demander, requerre et avoir la court et congnoissance de ses hostez et justiçables en toutes cours, pardevant touz juges, des cas dont la congnoissance li appartendra, tenir sa court et ses plaiz, jugier en sa court et faire droit aus parties, tauxer et lever amendes, et faire tout ce qui a office de bon juge puet et doit appartenir, de ester et seoir en assises et jugier aveques ses pers et compaignons, de substituer en lieu de eulx ou de l'un de eulx un ou plusieurs procureurs, substitut ou substituts, qui ait ou aient ce mesmes pooir ou semblable, yceuls rappeller toutes foiz que il leur plaira ou a l'un d'eulx, ceste procuracion demourant en sa force et vertu, et generalment faire tout autant en toutes les choses dessus dites et en celles qui en deppendent comme elle mesmes feroit et faire pourroit, se presente y estoit en sa personne, a soit ce que la chose requeist mandement especial. (Chartes Abb. St-Magl. T.F., t.3, 1330-1436, 157) |
|
|
Attestation de 