| [1] | Aussi pour certain on appreuve Pillules faictes, que l'en treuve, De pur aloe cicotrin, De bon myrre et de saffren fin, Et aucuns savans Maistres dirent Par exprez que onques ne virent Aucun mourir d'épidémie Qui usast souvent en sa vie De ceste noble médicine, Qui est en ce puissant et digne, Et encores veulent, sans faille, Affermer que onques la pareille, Si louable ne approuvée, Ne fut en tel cas controuvée. (LA HAYE, P. peste, 1426, 136) | | [2] | Et premièrement, sans décepte, S'ensuit la forme et la recepte Des pillules, forment louées Des anciens et approuvées, à préserver d'épidémie Et de son mal, que Dieu maudie, Ausqueles forgier doit-on prendre, Qui à ce faire veult attendre, Deux parties, par saint Trotin, De bon aloë cicotrin, Et la tierce, par poiz égal, De pur saffren oriental, Et de myrre, qui seult reluire, Et tout ce mesler et confire O le suc ou juz de buglose, Ou de mellisse ou d'acétose; (LA HAYE, P. peste, 1426, 143) | | [3] | Mais, pour cela que l'ambre pure Est à trouver chose moult dure Et seult couster une grant somme, Peut on composer une pomme De mainte autre bonne matière, Qui ne sera mie si chière, Pour laquele former et faire Vecy la recepte ordinaire: Prenez de l'apdane très pure Deux onces, par poiz ou mesure, Et de storace calamite O gomme Arabique d'eslite, De blanc encens et myrre clère, Troiz dragmes en bonne manière; (LA HAYE, P. peste, 1426, 147) |
|
|
Attestation de 