Attestation dans les corpus textuels   Attestation de morsent dans 7FMR  3 attestations   Page 1/1  [1] item, iceulx preneurs seront tenus de paier du leur et a leurs cous, chascun an le jour de Pasques conmeniaus, a l'eglise de la dite ville de Morsent, aus parroissiens d'icelle et Sainte Genevieve du Bois, le pain et vin que il leur convendra chascun an, conme il est acoustumé chascun an le dit jour de Pasques, le temps de la dite ferme durant seullement, avecques le fuerre que il leur convendra pour mettre en la dite eglise ou temps que l'an l'i a acoustumé a mettre. (Chartes Abb. St-Magl. T.F., t.3, 1330-1436, 506) [2] lequel, de son bon gré et de sa certaine science, es diz noms, sans aucune force, erreur, contrainte ou decevance, mais pour leur prouffit sur ce bien conseillié, si comme il disoit, recongnut et confessa avoir prins et retenu, es diz noms et en chascun d'iceulx noms pour le tout, pour eulx et leurs aians cause, de Noël prouchainement venant jusques a six ans entresuivans et acomplis et par six despeulles, des religieux abbé et couvent de l'eglise Saint Magloire de Paris, un manoir que les diz religieux ont, assis en la ville de Morsent sur Ourge, avecques tout tel droit que les diz religieux ont es revenues, yssues et emolumens a eulx appartenans a cause de leur dit manoir, et les prouffis de la justice que ils ont audit lieu jusques a soixante sols et au dessous, et le par dessus avecques toutes espaves et forfaitures seront aux diz religieux, ceste prinse faite pour et parmi le pris et la somme de trente et deux livres par., monnoie courant a present, de six sextiers de grain, c'est assavoir quatre sextiers de blé fourment et deux sextiers d'avoine bonne, loyal et marchande, pour quarante sols par. et pour deux pas chascun an de ferme ou loier, que ledit preneur, es diz noms et en chascun pour le tout, en sera tenus, gaiga es mains desdiz notaires et promist rendre et paier, chascun an le temps de la dite ferme durant, en ceste maniere, c'est assavoir aus diz religieux ou au porteur de ces lettres pour eulx les trente et deux livres par. dessus dites egalment par les quatre termes a Paris acoustumez, et les diz six sextiers de grain dessus declarés [au bailli des diz religieux] au terme et en la maniere que l'en cera sic acoustumé de paier pour sa pension, et sy paiera ledit Simon les quarante sols par. dessus diz, c'est assavoir vint sols par. a cellui qui pour la voirie les reçoit au terme que l'en les a acoustumé de paier, et les autres XX s. p. au terme Saint Martin d'iver au procureur d'icelle eglise, et lesdiz deux pas ledit preneur gaiga paier chascun an audit abbé par deux jours, c'est assavoir tous ses despens pour lui, pour son dit bailli, pour sa compaignee, gens et chevaux, a telz jours comme il plaira audit abbé ; (Chartes Abb. St-Magl. T.F., t.3, 1330-1436, 662) [3] item, ycellui preneur, es diz noms, sera tenus, gaiga et promist paier du sien, chascun an le jour de Pasques commeniaux, a l'eglise de la dite ville de Morsent, aux parroissiens . (Chartes Abb. St-Magl. T.F., t.3, 1330-1436, 662) Fermer la fenêtre