| [1] | Pour laquelle chose faire et acomplir, je puis alleguer ce que dict monseigneur sainct Pol en son Epistolle qu'il escripvoit aux Rommains, au XIIe chappitre, là où il dit: " Unum corpus sumus in Christo ", c'est à dire que en l'Eglise militante, qui est dicte ung corps mistique, lequel est composé de divers membres, c'est assavoir, de plusieurs estas, et ensemble ne sont que ung corps, duquel Nostre-Seigneur Jhesus-Christ est le chief, dont toute l'influence procede et par lequel les membres dudit corps prennent substance et vie. (BUEIL, II, 1461-1466, 67) | | [2] | Et, ainsi que voyons en ung corps humain trois parties principalles, c'est assavoir, le chief, les bras et les aultres parties inférieures, aussi en cestuy corps mistique a divers estatz et offices. (BUEIL, II, 1461-1466, 67) | | [3] | Par les bras et mains, qui ont le plus noble office aprez le chief et sont ou millieu du corps pour deffendre et proteger le chief et les autres membres, nous est donné à entendre l'estat de chevalerie, lequel est ordonné en cestui corps mistique pour deffendre et conserver en paix et union encontre les ennemiz l'estat de l'Eglise, qui est ordonné à l'administracion spirituelle, et les aultres membres inferiores qui sont ordonnez pour l'administracion temporelle, comme sont bourgeois, marchans et laboureurs. (BUEIL, II, 1461-1466, 68) | | [4] | Et ainsi le doit faire tout noble et bon chevalier et tous aultres suyvans la guerre soubz l'estat de chevalerie, lequel est ordonné en cestuy corps mistique pour deffendre la foy et la loy de Dieu et l'estat de l'Eglise, lequel nous est donné à entendre par le chief, ainsi que dit est. (BUEIL, II, 1461-1466, 77) | | [5] | Pour donner fin à nostre collacion et propoz,declairées les deux premières parties de cestuy corps mistique, je viens à declairer la tierce partie, laquelle parle des parties inferiores, qui sont les cuisses, les jambes et les piedz; (BUEIL, II, 1461-1466, 77) | | [6] | Prions à icellui Dieu, qui est vray juge, pere de misericorde et de consolacion, qu'il vueille cestuy corps mistique conseillier, nourrir, deffendre et diriger finablement à la vie eternelle, à laquelle nous vueille conduire le Pere, le Filz et le Saint Esperit. (BUEIL, II, 1461-1466, 79) | | [7] | Et s'aucun oppose et contredit en murmurant : «J'ay vraye foy, dira il, et sy ne fais nul miracle», je respon que les miracles de saint Pierre et des autres sont des miracles d'un chascun crestien et de tout le corps mistique de saincte Eglise, comme l'ueil voit pour tout le corps et l'oreille oÿt. (GERS., P. Paul, a.1394, 487) | | [8] | La IIIIe : de la venue misericorde en l'Eglise universele, selon l'exposicion mistique et figurale. (GERS., Purif., 1396-1397, 60) | | [9] | Etpour encore plus declairier, le corps mistique assamblé par unité par une amour et voulenté est ung par amour. (Somme abr., c.1477-1481, 117) | | [10] | Et pour tant comme ainsi soit que riens ne soit creé ung en divers suppos particuliers, il convient que lesmembres du corps mistique soient unis en une amour non creé, laquelle amour est le Saint Esperit. (Somme abr., c.1477-1481, 117) |
|
|
Attestation de 