| [1] | Ce jour, fu confermé ce qu'avoit esté deliberé le XXIXe d'octobre sur l'advocation de la cause maistre Raoul Witart, clerc de la Chambre des Comptes, à l'encontre du procureur du Roy esdiz Comptes pour certains deliz criminelz, et pour ce que ce que lors avoit esté deliberé n'avoit pas esté executé, a esté dit que pour seller la lettre de ladicte advocation de la cause en la Court, parlera monsr le premier presidentà monsr le Chancellier, lequel s'il en est refusant, la Court parlera à lui mercredi prouchain en la chambre où il doit venir, en lui disant ce qu'a esté deliberé et confermé, deliberé par les presidens et autres de mess. le dessusdit XXIXe jour et confermé aujourdui. (BAYE, I, 1400-1410, 14) | | [2] | Sur ce que le procureur du Roy proposa, dès le XXIXe de septembre derrenierement passé en la Chambre de Parlement, où estoient presens mess. les presidens et pluseurs autres tant du Grant Conseil que des Chambres dudit Parlement, et du Conseil du Roy ouChastellet de Paris, que maistre Raoul Witart, bigame, clerc de la Chambre des Comptes, estoit accusez en ladicte Chambre de certeins crimes et deliz, tant de larrecin que de faulz, commiz et perpetrez ou fait des Comptes et papiers d'icelle Chambre, et pour ce de par les maistres desdis Comptes avoit esté et estoit detenus prisonnier. (BAYE, I, 1400-1410, 15) | | [3] | Fu ordonné par mess. les presidens que l'en ne fera aucune provision en la cause du duc de Bourgoigne et des habitans de Douay à l'encontre des chapitre de S. Amé et de Saint Pere dudit Douay, maiz en ordonneront les commissaires quant il seront par delà à faire l'enqueste, comme bon leur semblera. (BAYE, I, 1400-1410, 72) | | [4] | Cedit jour, ont esté visité procès en la Chambre des Enquestes, esquelx estoient parti mess. des Enquestes. (BAYE, II, 1411-1417, 63) | | [5] | Ce jour de jeudi, entre IX et X heures, survindrent en la Court monsr le Chancelier, messrs les evesques de Lisieux et de Noyon, messire Jehan le Clerc, les seigneurs de l'Ille, de Clamecy, de Pressy, chevaliers, maistres Nicole Fraillon, Phelippe de Ruilly et T. Fassier, maistres des Requestes de l'Ostel, G. le Duc, R. Piedefer, presidens en Parlement, me J. Branlart, J. Vivien. (FAUQ., III, 1431-1435, 105) | | [6] | Item, le procureur du Roy a requis, pour ce qu'il y a procès pendant ceans entre lui, d'une part, et le prieur de Saint-Denis-de-la-Chartre, d'autre, à cause du pressoir assis en la place Saint-Denis, que durant ce que ledit pressoir est en nature et que on pourra mieulx veoir l'empeschement que ledit pressoir fait à entrer en ladicte eglise, il plaise à messrs les presidens et à aucuns de messieurs de Parlement, en passant par devant, veoir et adviser l'empeschement et occupation dudit pressoir pour y avoir, en jugeant ledit procès, tel regart qu'il appartendra. (FAUQ., III, 1431-1435, 108) | | [7] | Sur la requeste aujourduy faicte par me Jehan Chouart, procureur du Roy en Chastellet, afin qu'il pleust à la Court de deputer et commettre aucuns de messrs qui assistassent et feussent presens avecques aucuns des conseilliers de Chastellet, du prevost des marchans et aucuns des eschevins de la Ville, pour pourveoir au fait de la police de ceste Ville, pour ce que toutes denrées, obstant la prinse du pont de Mellant par les adversaires, encherissent tresfort de jour en jour, sur quoy a esté deliberé et conclu que monsr le president, me R. Piedefer, me G. Le Breton, me S. de Plumetot, me J. de Voton et me Toussaint Baiart seront presens avecques les dessusdis pour pourveoir à ce que dit est, et y continueront le plus diligemment qu'ilz pourront. (FAUQ., III, 1431-1435, 166) | | [8] | Oudit an mil IIIIcLXXVII, le lundi IIIIe jour d'Aoust, messire Jacques d'Armaignac, duc de Nemoux et conte de la Marche, qui avoit esté constitué et amené prisonnier es prisons de la Bastide Saint-Anthoine à tel et semblable jour IIIIe d'Aoust en l'année precedente, pour aucuns cas, delitz et crimes par lui commis et perpetrez, durant lequel temps de son emprisonnement en icellui lieu de la Bastide lui furent fais plusieurs interrogatoires sur lesdictes charges, auxquels il respondi de bouche et par escript tant pardevant messrs le chancellier de France, nommé maistre Pierre d'Oriole, que autres des presidens et conseillers de la court de Parlement, par plusieurs et diverses journées; (ROYE, Chron. scand., II, 1460-1483, 55) | | [9] | Et trouva moyen ledit Jehan monseigneur de Lorraine, à l'ayde desditz de Rouen, d'aller en la place dudit lieu de Saincte-Katherine, où on ne le voulloit laisser entrer, où il eust de grans noises et questions tant par ledit de Lorraine que messrs de Bueil et Chaumont [estant] prestz à mettre les mains aux espées. lequel temps de son emprisonnement en icellui lieu de la Bastide lui furent fais plusieurs interrogatoires sur lesdictes charges, auxquels il respondi de bouche et par escript tant pardevant messrs le chancellier de France, nommé maistre Pierre d'Oriole, que autres des presidens et conseillers de la court de Parlement, par plusieurs et diverses journées; (LE CLERC, Interp. Roye, c.1502, 200) | | [10] | Et devez sçavoir que le voyaige se fist contre le gré et voulenté de Messrs les connestable, grant maistre et mareschaulx de France, qui firent leurs devoirs de remonstrer au roy les inconveniens qui en pourroient advenir à luy et à son royaulme. (LE CLERC, Interp. Roye, c.1502, 214) |
|
|
Attestation de 