| [1] | Si est force de dire que ceulx sont desnaturez, qui au commun besoing et pour le salut de leur païz et seigneurie n'efforcent leur povoir, et mieulx veulent soy laisser perdre avecques la chose publique que pour icelle soy exposer a peril. (CHART., Q. inv., 1422, 11) | | [2] | Si a fait icelle ung tel edit que ce que Fortune veult elle peut, ce qu'elle peut elle accomplit, ce qu'elle accomplit elle appreuve, ce qu'elle appreuve est essaucié, loé et non pugny. (CHART., Q. inv., 1422, 22) | | [3] | Confesse maintenant ce que tu ne peus denyer et batta coulpe de tes mauvais pechiez et ramentoy a toy mesmes que tu crias " Noël " de grant feste et joieuse leesce du douloureux fait pour lequel tu dis maintenant " Helas " cent fois le jour, et requier Dieu qu'il te pardonne ton aveuglement et ta folie, non pas qu'il pugnisse les autres, qui pour icelle erreur seuffrent avecques toy et dont tant de preudommes ont esté tant horriblement es champs enfouyz et es villes mors par aucuns des tiens a pluseurs et diverses fois et sans misericorde, tant que l'esclande en est es autres royaumes a la perpetuelle honte et diffame du peuple françois, qui es temps passez estoit renommé de toute benignité. (CHART., Q. inv., 1422, 27) | | [4] | Moult a grant difference, ou doit avoir, en conseil et en oeuvre entre le prince eureux de prosperité, qui veult icelle garder et defendre, et cellui qui de perverse fortune se veult ressourdre et oster la victoire de la main du vainqueur. (CHART., Q. inv., 1422, 35) | | [5] | Tant sceit chascun que la cité qui a esté sur toutes les autres, a esté tachee de murmure et de desobeissance, a englouty toute celle pecune dont tu parles cy devant, et que le peuple d'icelle a entonné et recueilly la gresse du labeur et conquestz des autres pars du royaume et les derrenieres espargnes des nobles hommes, comme le gouffre et l'abisme ou tout est descendu, puis en a rendu ce guerredon que l'ampostume de son orgueil, enflee de trop avoir, est crevee de toutes pars et a respandu partout le venin et la poison de cruelle et horrible sedicion et les oeuvres de inhumaine tirannie. (CHART., Q. inv., 1422, 41) | | [6] | Soit doncques regardé quans aguetz d'ennemis, dangiers des servans et souldoiers mal contens, indignacions de gens escondiz ou reboutez, murmure de subgiez, plaintes de peuple et de commun, rappors divers et souspeçonneux, ligues et riotes entre les siens, prince menant guerre est tenu d'escouter, doubter et refraindre, et chacun cognoistra que plus a d'eur, sceurté, franchise, suffisance et faculté de vivre a son gré, en la loge d'un petit bergierque es haulx palais des princes que grant autorité de seigneurie a fait estre serfz a plusieurs pour icelle avoir, mais plus que serfz quant le besoing contraint a la defendre. (CHART., Q. inv., 1422, 46) | | [7] | lors ne se doit la chose publique delaisser, quant l'infortune d'icelle la rent plus besongneuse de bon secours, car, comme en nous redonde le bien de la prosperité publique, aussi devons nous les infortunes de son adversité aider a soustenir et non lui defaillir de fait ne de couraige en necessité. (CHART., Q. inv., 1422, 48) | | [8] | Mais le jouvencel, saichant que proesce de noble cuer estoit la plus digne chose, saillit a cheval et tout armé dedens icelle abisme inestimable, qui aprés lui se recloy pour le sauvement de la cité. (CHART., Q. inv., 1422, 53) | | [9] | Si ay acompli de mon petit sentementles commandemens d'icelle dame par ce present escript, et a chascun lecteur prie le voulloir interpreter favourablement et y jugier a cognoistre la bonne affection plus que la gloire de l'ouvraige. (CHART., Q. inv., 1422, 65) | | [10] | Et quant icelle m'entendit, Bien doulcement me respondit: " Je ne mect point de contredit Que ne soiez Si secret comme estre doiez. (CHART., L. Dames, 1416, 214) |
|
|
Attestation de 