| [1] | Et comme je recueillisse en ma souvenance la puissance et diligence des ennemis, la desloiaulté de plusieurs subgiez et la perte des princes et chevallerie, dont Dieu, par maleureuse bataille, a laissié ce royaume desgarny, qui me fait durement ressongnier l'issue de ceste infortune, je contrepensoye et pensoye à l'encontre la grandeur et distance des parties de ce dit royaume dont les ennemis ne suffiroient garder le quart, le merveilleux nombre des nobles et gens deffensables qui trouver s'i pourroient, les haultes richesses qui encores y abondent en pluseurs lieux, les subtilz engins, prudence et industrie de gens de divers estaz qui y ont naissance, estat et vie. (CHART., Q. inv., 1422, 6) | | [2] | Moultrudes et rigoureuses vous pourront sembler cestes mes parolles, mais, a les comparoir a voz oeuvres et a ma necessité, elles sont de mendre austerité et aspresse que le cas qui s'i offre ne le requiert. (CHART., Q. inv., 1422, 12) | | [3] | Et combien que rigle si estroite ne s'i doye donner que la vertu de liberalité, qui tant bien siet en hault seigneur, n'ait tousjours vers le prince son effect, toutes voies puis je soustenir que celle vertu pour circonstances regarde lieu et temps de donner, et que en temps d'abondance et de oisiveté telle domnacion seroit dicte oeuvre de largesse qui maintenant se devroit appeler prodigalité. (CHART., Q. inv., 1422, 52) | | [4] | Mais, s'il est ainsi que par faindre Plusieurs ont des biens, comme on dit, Et loyaux n'i puissent actaindre, Je suis maleureux et maudit. (CHART., D. Rev., a.1424, 311) | | [5] | Que puis je comparer plus chier Qu'i mectre cuer, vie et courage? (CHART., D. Rev., a.1424, 315) | | [6] | Ce que de moy ordonnera Voustre doulceur, il se fera Se mon pouoir s'i puet estendre,Ainsi que bon vous semblera Et que voustre plaisir sera; (CHART., R. Bal., c.1410-1425, 385) | | [7] | Et pourtant est Avarice mauditte,Qui le poing clot que nul ne s'i attende, Et lui avient que un autre gaste ou vende Ce qu'elle acquiert et garde a griefz tourmens. (CHART., B. Nobles, c.1424, 405) | | [8] | Se nostre beneureté estoit es biens de ce monde, et nostre arrest s'i fichoit sans aultre vie attendre, ou plus hault bien esperer, grant apparence auroit en ton argument; (CHART., L. Esp., c.1429-1430, 49) | | [9] | Et tu, souverain pasteur, pourroiez, s'il te plaisoit, ton Eglise et tes ouaillez preserver de toute violence et de guerre, comme tu aiez defendu d'i main metre, et sentencié en sainte Escripture que qui leur touchera touchera la prunelle de ton oeil. (CHART., L. Esp., c.1429-1430, 54) | | [10] | Je ne dy pas que es choses mondaines on ne puist s'atendre par esperance relative, maiz non s'i arrester par determination substantive, et qui se y fie autrement que par relation a la divine esperance marchesur glace d'une nuytee, ou s'appuye au baston de roseau. (CHART., L. Esp., c.1429-1430, 103) |
|
|
Attestation de 