| [1] | quoy qu'il eust richesce, Si fu le plus de ses deduiz Aler de nuiz rompre les huiz A mariées et pucelles Et de les efforcer, et celles Qui de riens li contredisoient En l'eure batues estoient Et navrées vilainement. (Mir. Pierre Changeur, c.1378, 245) | | [2] | Et ne scot oncques par ou elle entra, et estoient tous les huiz fermez et barrez. (ARRAS, c.1392-1393, 308) | | [3] | Or sachiés pour verité que fille ou femme qui voeult savoir le nom de son mary advenir, elle doibt tendre dessus son huiz devant, le premier fil qu'elle fillera ce jour. (Ev. Quen. II, c.1466-1474, 119) | | [4] | Cedit jour, vindrent en la Court certains chevaliers espaignoz qui apporterent certeinnes lettres faisans mention de treves prises, et convenues, et jurées entre le roy de Castelle, d'une part, et le roy de Portugal, d'autre part, jusques à X ans, lesquelles lettres furent leues et publiées, les huiz ouvers publiquement, et requirent lesdiz Espaignos avoir lettre de ladicte publication. (BAYE, I, 1400-1410, 69) | | [5] | Cedit jour, furent à huiz cloz leues certeinnes lettres empetrées sur le lieu de maistre Thomas d'Aunoy ou de maistre J. Mangin aux Enquestes qui monta en la Grant Chambre ou lieu dudit me Thomas, qui avoit lieu en la Chambre des Comptes de nouvel, et pour ce que quatre personnes avoient empetré lesdictes lettres sur ledit lieu, fu fait scrutine et election, et futandem esleu par la plus grant partie de ceulz. (BAYE, I, 1400-1410, 74) | | [6] | Après defendi à ses gens que ne feissent mal, maiz cloissent les huiz, et ce a eu son conseil de sa bouche. (BAYE, I, 1400-1410, 106) | | [7] | Et furent leues les ordonnances regardans les seigneurs, et puiz les huissiers, eulx appellez, puiz furent appellez les advocas et procureur du Roy, puiz generaument les advocas et procureurs, les huiz ouvers, puiz furent leues les requestes de ceulx qui voloient faire serment de nouvel en office d'advocat et de procureur. (BAYE, I, 1400-1410, 296) | | [8] | Et me furent baillez le messel et la vraye croix richement envaisselée pour faire jurer au scrutine celx qui esliroient sur lesdiz Evangile et vraye croix, et les huiz cloz, furent appellez par messire Anthoinne de Craon qui gardoit l'uiz, premierement le dessusdit messire Arnault de Corbye, nagueres Chancellier, lequel et tous les autres seigneurs qui survindrent, c'est assavoir, le grant maistre de Rodes, l'arcevesque de Bourges, l'evesque de Beauvaiz et autres barons, chevaliers et conseillers, tant de Parlement que des Comptes, jusques au nombre de IIIJxx et X ou environ, je fiz jurer par le commandement du Roy, moy estant à ses piez, un chascun successive appelléselon son ordre par ledit de Craon par la maniere qui s'ensuit, lesdis sains Euvangile et croix touchées:" Vous jurez aux sains Evangiles et sur la vraie croix qui icy sont que bien et loyaument conseillerés le Roy nostre Sire ou cas present de ceste election, et nommerés à vostre loyal povoir, sans faveur desordonnéeet sans hayne, bonne personne, ydoinne et convenable pour exercer l'office de Chancellier". (BAYE, II, 1411-1417, 129) | | [9] | Tandem, lesdictes parties oyes à huizcloz, après ce que aucuns desdiz procureurs ont dit que onques n'avoient veu le contenu de ladicte requeste et ne la voloient pas soustenir es paroles qu'elle contenoit, mais bien requeroient la revocation ou moderation dont a esté parlé, la Court, après ce que lesdiz procureurs sont issus de la Chambre, et rappellez, eulx presens, a fait dessirer icelle requeste comme injurieuse, et a blasmé iceulx procureurs et par especial ceulx qui l'avoient faicte, et qu'il se gardassent une autre foiz a similibus, aliàs seroientgriefment puniz, et leur a dit que s'il wellent bailler aucunerequeste, la baillient en forme honeste et convenable. (BAYE, II, 1411-1417, 200) | | [10] | Maistre Robert Mauger, presidens premier ou Parlement, absent le Chancellier et extant avecques le Roy à Rouan en expedition, tint le Parlement, presensmaistres S. de Nanterre, P. Le Fevre, presidens, les evesques de Paris, de Luçon, de Meaux, d'Albit, de Coustances, de Chartres, l'abbé de S. Deniz, m. H. de Savoisy, N. Fraillon, P. de l'Esclat, maistres des Requestes de l'Ostel, maistres N. d'Orgemont, G. Le Clerc, maistres en la Chambre des Comptes, et les autres maistres des IIJ Chambres de Parlement, et furent leues les ordonnances à huiz cloz touchans lesdiz maistres de Parlement et les huissiers, et les huis ouvers celles qui touchent les advocas et procureurs et les parties qui ont à faire oudit Parlement, et firent le serment acoustumé les advocas et procureurs, auxquelx fu enjoint qu'ilx preissent les ordonnances qui leur touchent, puiz se partirent advocas, procureurs et parties, hors les procureur et advocas du Roy qui demourerent en la Chambre, et firent aucunes requestes: La premiere, qu'il fust pourveu sur les finances qui, sans mesure, se wident et de pieça hors du royaume, tant à Court de Romme où l'en a acheté arceveschiez et eveschiez et autres benefices, sans distinction, comme au inquant, ce savans mesme les princes et gouverneurs du royaume et ce voians. (BAYE, II, 1411-1417, 220) |
|
|
Attestation de 