| [1] | La ot on lamentacions De grandes desolacions: L'un d'avoir perdu sa chevance, L'autre d'aucune mescheance Ou de maladie aucune, Que plaindre n'a qui n'en a q'une, Mais mains sont qui en ont plusieurs Ou receüs de mortelz heurs, Si crient, brayent et demantent, Pour les tres griefs doulours qu'ilz sentent; (CHR. PIZ., M.F., I, 1400-1403, 149) | | [2] | Pres de cellui siege plusieurs Y vi, et tieulx qui ont mains heurs Receüps par Fortune trouble, Qui plusieurs seigneuries trouble, Et ceulx diversement assis Furent en divers lieux pressis. (CHR. PIZ., M.F., II, 1400-1403, 11) | | [3] | Ainsi vecy desjà ung des heurs de l'adversité et ung grant homme mué, qui avoit envoyé une si grant et si solemnelle embassade vers le duc de Bourgongne pour faire son alliance, n'y avoit que trois sepmaines. (COMM., II, 1489-1491, 111) | | [4] | Ainsi vecy desjà ung des heurs de l'adversité et ung grant homme mué, qui avoit envoyé une si grant et si solemnelle embassade vers le duc de Bourgongne pour faire son alliance, n'y avoit que trois sepmaines. (COMM., II, 1489-1491, 111) | | [5] | Heus et soustins en ce dur travail heurs, Trop suffisans de gens à merveiller ; (LA VIGNE, Compl. roy Bazoche M.R., 1501, 411) | | [6] | et c'est ce qui doit donner bon couraige aux povres gentilshommes et à tous ceulx qui sieuvent la guerre, de ne soy point esbahir pour les premiers heurs; (BUEIL, I, 1461-1466, 27) | | [7] | Mardi, derrien jour de janvier et Ve jour de la conjunction de la lune,Curia vacat, pour ce qui n'est venu ne advocat, ne procureur, ne presidens, ne conseiller du Roy au Palaiz, hors messire Henry de Marle, premier president, maistre Guillaume de Gaudiac, doien de S. Germain l'Aucerroiz et conseiller du Roy ceans, et IJ ou IIJ autres pour la cause qui s'ensuist : Au jour d'uy et dès hier environ IX ou X heures de nuit, sont descendues les glaces et glaçons aval en si grant habundance par si grant impetuosité et à si grant effort, en especial par celle partie de Seinne qui flut à Paris par dessoubz les petis pons, que par les heurs continuelx des glaces contre les pez de boiz qui soustenoient le Petiz Pont, qui estoit en alant de la rue S. Jaques à Nostre Dame, et aussi contre les pillers de pierre qui soustenoient les arches et le pont de pierre qui estoient en alant de la rue de la Harpe au Palaiz royal, icelles glaces et riviere de Seinne ont abatu ledit pont de boiz qui estoit en alant à Nostre Dame et partie des maisons adjacens, et aussi ont abatu, froissié, demoli et rué jus le pont de pierre dessusditet bien de XX à XXX maisons qui estoient dessus, et lesquelx pont et maisons avoient esté edifiées et construiz puiz XXVIJ ou XXVIIJ ans. (BAYE, I, 1400-1410, 213) | | [8] | Pareillement aussi cedit jour, chut partie des changes de dessus le Grant Pont et peu dudit pont, nonobstant qu'il ne fust que de boiz hors le pavement, pour ce qu'il n'y eut pas si grans heurs de glaces que esdiz petis pons, tant pour ce que la force des glaces la plus grant passa par lesdiz petis pons, pour ce qu'il trouverent le chemin empeschié en la riviere qui estoit encor gelée vers S. Pol, et par ce faloit que les glaces se tournassent d'autre costé, que aussi pour ce que quant les glaces peurent tourner soubz ledit Grant Pont, encontrerent les molins de l'evesque et autres près du Grant pontque froisserent et par ce rompirent, et empescherent leur violence et force, telement que le heurt ne pot estre si grant qu'il estoit aux dessusdiz petis pons, par lesquelx aussy dès dimenche derrien passé passoit la riviere de Bievre qui avoit esté moult impetueuse et qui moult de dammage avoit fait à Saint Marcel hors Paris. (BAYE, I, 1400-1410, 214) | | [9] | et que par icelles grans gelées eussent esté gelées les rivieres, et en especial Seinne, telement que l'en cheminoit et venoit et aloit l'en, et menoit voitures par dessus la glace, et que eussent esté si grant habundances de neges que l'en eust veu de memoire d'omme, et tant que à Paris avoit grant necessité tant de boiz que de pain pour les molins gelez, se n'eussent esté les farines que l'en y amenoit des païz voisins, et que lesdictes gelées, neges, glaces et froidures se fussent amoderées dès venredi derrain passé pour la nouvelle conjunction lunaire, etque les glaces se fussent dissolues par parties et glaçons, iceulx glaçons par leur impetuosité et heurs ont au jour d'ui rompu et abatu les IJ petis pons, l'un qui estoit de boiz joignant du Petit Chastellet, l'autre de pierre, appellé le Nuef Pont, qui avoit esté fait puiz XXVIJ ou XXVIIJ ans, et aussi toutes les maisons qui estoient dessus, qui estoient pluseurs et belles, et lesquelles habitoient moult de mainnagiers de pluseurs estas, marchandies et mestiers, comme tainturiers, escripvains, barbiers, couturiers, esperonniers, fourbisseurs, couturiers, frepiers, chasubliers, tapissiers, faiseurs de harpes, libraires, chaussetiers et autres. (BAYE, I, 1400-1410, 215) | | [10] | combienque ce n'eussent esté les pillers pieça faiz et commencez entre ledit Petit Chastellet et l'Ostel-Dieu de Nostre-Dame qui ont receuz les premiers heurs desdictes glaces et glaçons, qui par ce ont esté debrisez et leur impetuosité amandrie, vraysemblable estoit et est que ladicte aventure, cas et pestilence desdiz pons fust avenue en ceste nuit derrienne, en la destruction des corps humains qui ne se peussent avoir garde ne fuir pour le cas soudain. (BAYE, I, 1400-1410, 216) |
|
|
Attestation de 