| [1] | Quel exemple avons nous en ce cas du vaillant magnanime Scipion, qui bien fait a ramentevoir comme, ou temps que la seigneurie romaine estoit si durement foulee par Hannibal, aprés ses grans victoires, que es couraiges des Rommains n'avoit plus comme nulle esperance de salut de leur cité et que la plus grant partie d'eulx descendoit en oppinion de monter es nefs et abandonner Romme et aller habiter en autres regions, il, qui le peril commun de lui et des autres cognoissoit, le vouloir aussi du Senat qui se vouloit departir, vainqui les doubtes de son cuer par l'affection publique, si tira son espee emmy le conseil et jura haultement que qui parleroit plus de habandonner la cité sentiroit au trenchant de son espee que doit estre le guerredon de ceulx qui la chose publique delaissent pour leur singulier salut. (CHART., Q. inv., 1422, 49) | | [2] | Fouir ce brouillas de temps et ceste police epydimiee et habiter en estrange nation te pourroit sembler ung conseil recevable, a l'exemple de Anthenor et de Enee qui ainsi eschapperent la flamme de Troye et les glaives de Grece. (CHART., L. Esp., c.1429-1430, 13) | | [3] | Et oultre ilz afferment que a sa venue il resuscitera tous lez mors de la ligne de Juda, et lez fera de rechief habiter ensemble sur la terre en prosperité. (CHART., L. Esp., c.1429-1430, 107) | | [4] | Maiz iceulx folz jufz destournent sa parolle a la resurrectiondes hommez au monde pour habiter la terre, qui selon la lettre est frenesie intollerable, et chose imposible. (CHART., L. Esp., c.1429-1430, 107) | | [5] | Car toute la rondeur terrestre ne suffiroit pas pour habiter et labourer tous ensemble ceulx qui sont mors et vifz en la lignie de Juda. (CHART., L. Esp., c.1429-1430, 108) | | [6] | Car aultrement le fauldroit faillir et cesser, pour ce que sans favour mort desprent et corrompt tousjours, et perys seroit, se par continuation d'oeuvre de nature n'estoit resuscité et produit d'ommes pour habiter la terre. (CHART., L. Esp., c.1429-1430, 108) | | [7] | Helenus qui fu filz au royDe Troie, a moult noble conroy En Grece habiter s'en ala, Mais aussi tost com il fu la, Pour le noble ling dont il fu Il n'y ert pas mis en refu, Ains a lui rendre a grant honnour Se vindrent tuit, grant et menour. (CHR. PIZ., Chem. estude P., 1402-1403, 151) | | [8] | beste orrible et venimeuse, comment as tu fait si mortel sault comme du puis d'enfer, ou est ta naturel demeure, jusques es couraiges de mes enfans en qui habiter ne souloies? (CHR. PIZ., Avision R.D., 1405, 38) | | [9] | Se male est et de durs accors, Et qu'elle me riote et tance, Ce sera trop dure sentence, Paine et travail non supportable, Vie a moi et a lui dampnable, Car Salemon dit en appert Que mieulx vault il vivre en desert Qu'avec male femme habiter. (DESCH., M.M., c.1385-1403, 25) | | [10] | " Habiter avec creature Feminine nourrist luxure, La force baille et la maniere Du feu emprandre et la matiere; (DESCH., M.M., c.1385-1403, 199) |
|
|
Attestation de 