| [1] | Et pour faire une abhominable somme de mes males mescheances infinies, je ne voy autre demourant ou exploit des longues guerres de ce royaume, si non terres en fresche et pays inhabité, multitude de veufves et d'orphelins chetifz, mendians et desolez, et mutacion de biens, qui des mains de ceulx qui les ont gaignez sont transportéz aux plus fors et ravissans. (CHART., Q. inv., 1422, 22) | | [2] | Je doy bien estre tenu pour excusé et delaissié pour si chetif que je suis, sansadjouster a ma misere blasme ou reproche, car douleur et mesaise me chacent a la mort si durement que je seiche sur le pié sans attente de mieulx, ne je ne scay plus sinon maudire qui ce me fait, plaignant ma grant douleur dont Dieu par sa pitié me vueille gectier et mectre briefment hors de ceste langoureuse vie, puis que desormais n'y puis demourer fors en orphanté. (CHART., Q. inv., 1422, 24) | | [3] | Toutes ces choses sont cogneues et notoires et m'en rapporte a Dieu qui les voit, et neantmoins je les passe, car ameres sont a ramentevoir, fors tant que je ne me pourroye tenir de dire que la legiere foy muable et petite loiaulté des subgez a ceste seigneurie est mouvement et occhoison de la venue de noz ennemis sur nous, qui autrement n'en eussent prins le hardement. (CHART., Q. inv., 1422, 28) | | [4] | De rechief, pour ce que tu te plains si trestristement qu'il semble que nul ait douleur ou mesaise fors que toy mesmes et ne comptes a rien les autres fortunes qui souvent aviennent a ung chascun, et combien que chascun son dueil plaigne, ne penses tu pas que les nobles hommes en leur estat aient a souffrir autant que tu as? (CHART., Q. inv., 1422, 28) | | [5] | je ne scay, fors que a faulte de cognoissance, et a ce que les haulx et puissans hommes, entre les grans abondances qu'ilz ont de toutes choses, ont le plus de souffrete et de despit de ouir dire verité et que par leur puissance ilz finent de toutes autres besoignes, de langues veritables sont ilz tousjours diseteux. (CHART., Q. inv., 1422, 43) | | [6] | A tant me deporte de ce propos fors que je adjouste ceste conclusion que loial subgiet ne doit pour le prouffit de la guerre en delaissier l'onneur. (CHART., Q. inv., 1422, 52) | | [7] | Autre chose ne se peut dire fors que en ce cas nous allons comme la nef sans gouvernail et comme le cheval sans frain. (CHART., Q. inv., 1422, 56) | | [8] | Ja ne sera au premier hurt faillant Jusqu'a la mort, Ne il n'a jamais a celle heure recort Fors de penser qu'a droit, non pas a tort, Sa dame puist en ouÿr bon rapport. (CHART., D. Fort., 1412-1413, 174) | | [9] | Dit qu'il n'a peu y parler fors a tart,Car la estoit quelque autre bien gaillart, Et qu'il est fol que brief ne s'en depart. (CHART., D. Fort., 1412-1413, 183) | | [10] | Et il n'est rien qui Franc Vouloir efforce Fors Beau Parler qui la lengue n'escorche, Et Doulx Prïer; (CHART., D. Fort., 1412-1413, 186) |
|
|
Attestation de 