| [1] | Et pour ce dist il apres : Dois tu atourner et atremper ta voix, ton esperit et tous les mouvemens du corps et de la langue à amendrir les parolles à l'issue de ta bouche en telle maniere que elles ne soient enflées ne decassées au parler trop resoinans ne de fiers voix, ne aspre à la levée des leuvres, mais entendans et formans bien perfectes, souefves et clers, si que chascune lectre qui affiert estre sonné ait son son doulcement, et chacun mot son assens et soit entre haultet bas, et plus bas au commencier que à la fin, mais tout ce convient il muer selon les muemens du lieu, des choses, des achoisons et du temps, car une chose doit l'en conter simplement, autre doulcement, et autre à desdaing, autres par pitié, autre par joye, et ainsi diversement en telle maniere que les maintiens du corps et de la face soient tousjours accordans à la matiere de quoy tu parles. (CHR. PIZ., Paix W., 1412-1413, 167) | | [2] | En celle saule de Saintte Escripture trouveras clarté moult grande, illuminans, et de toutes tenebres contrarians, toy degettans de l'ombre de mort et toy conduisans a vraie lumiere de vie : ceste est vraie foy formans toute lucidité en creatures humainnes - mais que celle foy soit stablie sur ferme pierre sans gravellez de nungs sablons de heresie -, qu'est de tant grans vertus qu'elle fait de choses impossibles a nous choses possibles. (CRAP., Cur Deus, De arrha B.H., c.1450-1460, 284) |
|
|
Attestation de 