| [1] | Comme homme de bonne memoire feu Thommas de Garges, jadis bourgois de Paris, en faisant son testament, eut entre les autres choses ordené et volu une messe perpetuelle,chacunne sepmainne, estre celebree selonc la volenté et ordenance de ses excecuteurs, de et sur ses biens meubles et inmeubles et conqués en aucunnes eglises et lieux aus quiex mieux sembleroit et plairoit a ses dis excecuteurs, pour le salut et remede de l'ame du dit feu Thommas, de ses amis et bienfaiteurs, et aprés le decés du dit Thommas se fussent trais li dis excecuteurs par devers nous et eussent donné pleinnement et liberalment a nous et a nostre eglise cent soulz par. de rente tous amortis selonc l'ordenance du dit feu Thommas, c'est assavoir soixante et dis soulz par. de rente sus la maison ou le dit feu Thommas demouroit quant il trespassa, assise a Paris, en la rue au Feurre, devant Saint Innocent, et vint soulz par. de rente sus la maison Mahy Foison, faisant le coing de la dite rue au Feurre, et dis soulz par. sus la mason qui fu Pierre l'Escullier, assise en la dite rue au Feurre, et nous eussient requis yceulz excecuteurs que nous nous vosissiens chargier de celebrer ou faire celebrer une messe de Requiem, chacunne sepmainne a tous jours perpetuelment, pour le remede de l'ame du dit feu Thommas, de ses amis et bienfaiteurs, sachent tuit que nous, non voillans encourir vice d'ingratitude, nous chargons selonc la dite ordenance du dit feu Thommas de celebrer ou faire celebrer la dite messe, et prometons en bonne foy a celebrer ou faire celebrer, chacunne sepmainne a tous jours perpetuelment, une messe de Requiem pour le salut de l'ame du dit feu Thommas et remede. (Chartes Abb. St-Magl. T.F., t.3, 1330-1436, 294) |
|
|
Attestation de 