| [1] | Et en signe de ce, ses blons cheveulx, qui a fin or estrivoient de couleur, veissez espanduz et degetiez sans aournement au travers de ses espaules et une couronne d'or fin sur son chief portoit, qui par divers hurs si fort estoit esbranlee que ja penchoit de coste, enclinee moult durement. (CHART., Q. inv., 1422, 7) | | [2] | De si precieux et riche ouvraige estoit basty cellui mantel et de si longue main avoit on mis paine a y ouvrer et faire l'assemblee des parties dont il estoit composé que, dessoubz le ciel, ne fut veu le pareil, se Fortune, envieuse de longue prosperité, l'eust souffert en sa beauté demourer; (CHART., Q. inv., 1422, 8) | | [3] | De si precieux et riche ouvraige estoit basty cellui mantel et de si longue main avoit on mis paine a y ouvrer et faire l'assemblee des parties dont il estoit composé que, dessoubz le ciel, ne fut veu le pareil, se Fortune, envieuse de longue prosperité, l'eust souffert en sa beauté demourer; (CHART., Q. inv., 1422, 8) | | [4] | mais tant lui despleut l'excellence et duree de si parfaicte oeuvre qu'elle tourna son pervers et senestre costé et ouvry voyes dont cellui mantel, assemblé par la souveraine industrie des predecesseurs, estoit desja par violentes mains froissez et derompuz et aucunes pieces violentement arrachees, si que la partie de dessus se monstroit obscurcie et pou de fleurs de liz y apparissoient qui ne fussent debrisees ou salies. (CHART., Q. inv., 1422, 8) | | [5] | Ne demande nul se la partie moyenne estoit neantmoins demouree entiere ne conjointe, et les lectres formees et assises en leur ordre, car si separees, decharpies et desordonnees furent que pou s'en povoit assembler qui portast proufitable sentence. (CHART., Q. inv., 1422, 8) | | [6] | En somme tant estoit cellui habit changié par empirement de couleur et de beauté que ceulx qui tel le bastirent a paine y cognoistroient leur ouvraige. (CHART., Q. inv., 1422, 8) | | [7] | Ung riche palais ancien avoit de coste soy, somptueusement edifié de murailles eslevees et de haultes tours, compassé, comprins et environné de diverses et differentes habitacions par engins de souverains ouvriers, enrichy d'entailleures, paintures, armoeries et autres menueries a l'ueil plaisans, mais, par negligence des maistres des oeuvres et en default de bonne reparacion, les eaues et les vens y avoient tel dommaige porté que de pluseurs lez estoit prest de fondre et verser tout jus, et n'y apparoit refection sinon aucuns appuys de foibles et petites estaies que pour passer temps et a la haste, non pas a durer, on avoit ça et la assises ou et quant la ruyne sembloit greigneur et le péril plus prouchain. (CHART., Q. inv., 1422, 9) | | [8] | Si n'estoit pas sans cause que, pour louenge et memoire, les Rommains faisoient ymages de divers metaulx, ars et curres triumphans a ceulx qui vertueusement se portoient pour accroistre la seigneurie rommaine et augmenter le bien publique de leur cité. (CHART., Q. inv., 1422, 17) | | [9] | Et aprés ce que chascun se fu longuement tenu de parler, cellui qui gisoit reversé sur la terre, plaintif et langoureux et tant actaint de mal que nulle vertu ne lui estoit demouree, si non la voix et le cry, prinst a parler et respondre ce qui s'ensuit:LE PEUPLE. (CHART., Q. inv., 1422, 19) | | [10] | Si prist les parolles cellui qui en armes estoit, et commença lors a respondre tout hault et de cuer courroucié ce qui aprés cy est escript: LE CHEVALIER. (CHART., Q. inv., 1422, 25) |
|
|
Attestation de 