Attestation dans les corpus textuels   Attestation de estes dans 7FMR  5 attestations   Page 1/1  [1] Qui est cellui qui pourroit assez blasmer ou reprendre voz piteuses et delicatives condicions ou vous estes nourriz et y voulez envieillir, ne quelles assez aspres paroles pourray je prendre pour vous reprocher vostre ingratitude envers moy? (CHART., Q. inv., 1422, 10) [2] Dure chose est a moy que ainsi me convient plaindre, mais plus dure et de mains de reconfort que vous, qui me devez soustenir, defendre et relever, estes adversaires de ma prosperité, et en lieu de guerdon querez ma destruction et l'avancement de voz singuliers desirs. (CHART., Q. inv., 1422, 12) [3] Tournez voz yeulx et convertissez vostre jugement sur vous mesmes, denuez voz pensees de toutes affections qui vous meuvent a part, et vous cognoistrez que les pluseurs de vous laissent la seigneurie dont vous estes subgiez sans defense exposee a toute fortune, comme la nef degetee par tempeste de mer qui va la voille baissee ou le vent et les vagues la dechacent. (CHART., Q. inv., 1422, 13) [4] Quelles gens estes vous, ne quelles durtez avez vous en vos couraiges, qui ainsi vous laissez perdre a vostre escient, sans vouloir delaisser ce qui vous meyne a perdicion et vous tire a perdicion les bras au col? (CHART., Q. inv., 1422, 16) [5] Voz ennemis anciens et naturelz vous assaillent a leur entreprise et viennent chalengier vostre terre et vostre pays sur vous, ilz sont assaillans et vous estes defendeurs, ilz veulent asservir vostre liberté et vous avez a vous deffendre de leur servage, ilz quierent vostre mort et perdicion, et nature vous oblige à defendre vostre sceurté et vostre vie, ilz se efforcent d'oster et ravir par force la vie et la substance de voz femmes et enfans que nature vous contraint a doulcement nourrir et tendrement amer, ilz veulent debouter vostre prince droiturier et seigneur naturel que voz vies et voz corps sont tenuz defendre et tendent occuper le siege royal pour vous defouler soubz leur tirannie. (CHART., Q. inv., 1422, 18) [6] Si est vostre desmesuree vie et vostre desordonné gouvernement cause de nostreimpacience et commencement de noz maulx, car, lors que les biens et les richesses multiplioient par le royaume et que les finances y habondoient comme sourse d'eaue vive, voz pompes desmesurees, voz oisivetez aouillees de toutes delices et la descognoissance de vous mesmes vous avoit ja et a bestourné le sens, si que ambicion d'estaz, convoitise d'avoir et envie de gouverner, vous commençoient a mener a la confusion ou vous estes. (CHART., Q. inv., 1422, 37) [7] Ne de la fin ne vous puis je advouer Ou vous tendez, Ne je ne sçay comme vous entendez L'oppinïon que de ce cas rendez, Ne les raisons dont vous la deffendez Si non que aiez Les maulx d'amours trop petit essaiez Quant si tresbien en estes appaiez Que desja sont de voz comptes raiez Et oublïez. (CHART., D. Fort., 1412-1413, 179) [8] Mais puet estre que oncq n'y fustes lïez A droittes certes, Si n'en plaigniez les douleurs ne les pertes Ne les ennuis qu'on y a sans desertes, Et bien pouez par parolles appertes En dire assez, Car voz maulx sont, Dieu mercy, beau passez Et en bon point en estes respassez, Et mains autres en sont mors, trespassez Par tel esbat. (CHART., D. Fort., 1412-1413, 179) [9] Puis que vous estes si avant, Savez vous comme il en yra? (CHART., D. Rev., a.1424, 316) [10] Si dis a par moy: " Se m'aist Dieux, Autel fumes comme vous estes ". (CHART., B. Dame, 1424, 335) Fermer la fenêtre