| [1] | Le peuple si est membre notable d'un royaume, sans lequel les nobles ne le clergé ne pevent suffire a fairecorps de police ne a soustenir leurs estas ne leur vie, et ne me puis trop donner de merveille qu'il doye si estre habandonné a toute infelicité et persecuté par les autres membres subgiez a son mesmes chief, ne je ne voy meilleur similitude a ce propos sinon que nostre police françoise est comme l'omme furieux qui de ses dens mort et dessire ses autres membres. (CHART., Q. inv., 1422, 23) | | [2] | Assez trouvons es histoires rommaines de malles aventures survenues aux Rommains et que Fortune avoit mis jusques au bas, mais de tant se ressourdoient ilz plus vertueusement comme le besoing les rendoit plus contrains a ce, et, s'ilz avoient perdu des chevaliers, ilz en establissoient de nouveaux et mettoient sus des gens de tous estas, mesmes des serfs, et les apprenoient et faisoient exerciter aux armes, et par la cure et ordonnance qu'ilz y mettoient s'en aidoient en leurs batailles et devenoient vaillans et hardiz, car en toutes choses usaige rent les homes seurs et hardiz et arrestez en leurs oeuvres. (CHART., Q. inv., 1422, 31) | | [3] | Tournez vos yeulx a l'environ a cognoistre les condicions et les meurs des hommes de tous estas et vous verrez que les pluseurs songent a part soy une singuliere forme de querir leur salut. (CHART., Q. inv., 1422, 32) | | [4] | Haa, Dieu tout puissant, se tous ceulx qui a ce se soubtillent joignissent ensemble leurs entendemens a cherchier la ressourse de leur seigneurie, ilz gaignassent a la prosperité comme le salut de leurs estas et de leurs vies, quant par leurs parciaulx desirs ilz le perdent avecques la seigneurie qu'ilz delaissent en perdicion. (CHART., Q. inv., 1422, 32) | | [5] | Tu fais tes plaintes de la vanité des pompes et dissolucion des estas de nous et semble que trop fort te dueilles de la consumption des finances dont la despence est sur la bourse des nobles et les tresors en sont en tes coffres. (CHART., Q. inv., 1422, 40) | | [6] | Or te demande je doncques qui est le plus dommageable vice, ou a nous de abuser des estas oultre ce que mesure donne quand ilz nous appartiennent, ou a toy de les prendre telz qu'ilz ne t'appartiennent pas? (CHART., Q. inv., 1422, 40) | | [7] | Et n'a pas encores trois ans que j'ay veu en pluseurs hommes de tous estas si enferme et petite foy que les pluseurs en leurs couraiges fuioyent l'adhesion de leur seigneur et l'aide de leur seigneurie comme chose perdue et comme malade jugié a mort et abandonné sans remede, qui depuis ont reprins cuer et bonne fiance. (CHART., Q. inv., 1422, 48) | | [8] | Loing de ceste acoustumance se gouvernerent les Peres rommains, quant les pluseurs d'iceulx amendrissoient leurs maisons et povoir et la magnificence de leurs estas pour non estre en charge en la chose publique en temps de necessité. (CHART., Q. inv., 1422, 52) | | [9] | Ymeneüs, si est un dieux, Selon dis de poetique gent, Qui a sa court a maint sergent De toutes manieres d'estas: Empereurs, roys, princes a tas Y a et de menues gens Infinis et tous ses sergens Sont, dont les aucuns se desloent De son service, autres s'en loent; (CHR. PIZ., M.F., I, 1400-1403, 35) | | [10] | La arrivent tous grans seigneurs Les ainsnez et les jouvigneurs, Il ont argent, encore en veulent, Et dient que plus avoir seulent Chevaliers, bourgois, gens d'eglise, Clercs, marchans, peuple de grant guise, Et de femmes y a grans presses, De povres et de grans maistresses Et de gens de trestous estas; (CHR. PIZ., M.F., I, 1400-1403, 78) |
|
|
Attestation de 