| [1] | Et entre autres escriptures, comme je leusse le tiers chapitre de Ysaïe, le cueur m'est troublé de freeur et les yeulx obscurciz de larmes, quant je voy sur nous les coups feruz qui sont signes de mort et donnent ensaignes de la divine indignacion, se nous n'y querons briefves medicines. (CHART., Q. inv., 1422, 5) | | [2] | L'Acteur commence: Environ l'aube du jour, lors que la premiere clarté du soleil et nature contente du repos de la nuit nous rappellent aux mondains labours, n'a gaires me trouvaysoudainement esveillié et, ainsi que a l'entendement après repos se presente ce que l'en a plus a cuer, me vint en ymaginacion la douloureuse fortune et le piteux estat de la haulte seigneurie et glorieuse maison de France, qui entre destruction et ressource chancelle douloureusement soubz la main de Dieu, ainsi que la divine puissance l'a souffert. (CHART., Q. inv., 1422, 5) | | [3] | Tandis que en ce debat entre espoir et desesperance mon entendement traveilloit, ung legier sompme me reprint comme, aprés la pesanteur du premier repos, il advient souvent vers le matin. (CHART., Q. inv., 1422, 7) | | [4] | Et puis que tele est la loy que Nature y a establie, il fault dire que nul labour ne vous doit estre grief, que nulle adventure ne vous doit estre estrange a soustenir pour cellui pays et seigneurie sauver, qui depuis vostre nativité jusques a vostre mort est quant de soy ouvert envers vous a toute soustenance, et qui vous repaist et nourrit entre les vivans, et entre les mors vous reçoit en sepulture. (CHART., Q. inv., 1422, 11) | | [5] | Et puis que tele est la loy que Nature y a establie, il fault dire que nul labour ne vous doit estre grief, que nulle adventure ne vous doit estre estrange a soustenir pour cellui pays et seigneurie sauver, qui depuis vostre nativité jusques a vostre mort est quant de soy ouvert envers vous a toute soustenance, et qui vous repaist et nourrit entre les vivans, et entre les mors vous reçoit en sepulture. (CHART., Q. inv., 1422, 11) | | [6] | Mais ou sont doncques ceulx qui en ces condicions chevaleureuses quierent leur renommee et leur perfection, quant ilz ne se apparoissent et mettent avant en besoigne et que entre les autres en peut on si pou choisir pour telz, donc ceulx qui bien font sont dignes de plus grant los? (CHART., Q. inv., 1422, 13) | | [7] | Et telement est la chose menee et changee de sa nature que entre l'impetuosité des armes se taisent les lois, et Justice a laissié son siege tribunal ouquel se siet et preside Voulenté. (CHART., Q. inv., 1422, 22) | | [8] | A ce propos narrent les histoires rommaines que la longue paix descongneue, la plenitude des biens qui enorgueillist les couraiges des ingras et la delicieuse oysiveté qui donne occasion de soy subtilier a mal, furent cause des batailles intestines, guerres et discors d'entre les Rommains es temps de Catilina, de Silla et de Marius, dont la seigneurie rommaine, plus par eulx-mesmes que par estranges ennemis, est decheue du tout et sans ressource, qui fut tele et si haulte comme les ruines le demonstrent. (CHART., Q. inv., 1422, 26) | | [9] | Quans en est il de haulx hommes et denobles dames exillez de leurs païs et mal receuz entre toy et les autres, despourveus de tous biens, souffreteux de confort et aggravez de douleur pour leur loiauté acquiter et garder. (CHART., Q. inv., 1422, 28) | | [10] | En plus grant l'exemple en est cler, car nous avons quis division en nous mesmes pour trouver mutacion de gouvernement entre nous, et d'entre nous l'avons de rechief mis dehors de nous, et de hors nous contre nous. (CHART., Q. inv., 1422, 30) |
|
|
Attestation de 