| [1] | Le cueur et le corps lui estoient tant enflez de despit et de felonnie que elle fust crevee, se elle ne se desgorgast par tençons et reprouches, ainsi comme ung moust qui boust en tonnel, et par faulte d'event ront la barre et le bondel. (CHART., L. Esp., c.1429-1430, 6) | | [2] | Il est voir que ung soubtil vent es montaignes plus qu'es valees cy environ court et pres de cy, lequel est tant envenimez que toute personne qui ferus en est devient gros et enflez. (CHR. PIZ., Avision R.D., 1405, 31) | | [3] | et meismement les serviteurs n'en sont mie communement sains, ains comme moins de leurs maistres ilzs'en gardent, sont moult en y a enflez. (CHR. PIZ., Avision R.D., 1405, 31) | | [4] | Cestui dit arbre segnefie les enflez devant dis tres puissans, qui sont logiez es haulz dongions de ma terre recevent le vent de perdicion, lesquelz sont de si grant estat, force et puissance qu'a pou cuident attaindre au ciel; (CHR. PIZ., Avision R.D., 1405, 32) | | [5] | Ce que les branches s'estendoient par le monde, c'estque yceulx enflez la force de leur puissance par toutes terres estendent, pour laquelle force par tout sont redoubtez et cremuz. (CHR. PIZ., Avision R.D., 1405, 32) | | [6] | La voix cria du ciel qu'au lez de terre fust l'arbre coupez et excipez : c'est que, par volenté de Dieu, la force et poissance d'iceulz enflez finera et sera retrenchee les degittant de leurs haultesces. (CHR. PIZ., Avision R.D., 1405, 33) | | [7] | Le fruit qui sera dispers, c'est leurs semblables menus membres pareillement enflez qui seront humiliez. (CHR. PIZ., Avision R.D., 1405, 33) | | [8] | Et, ce il est a ce enclin, il ne recepvera en son conseil si non gens telz qui soient de bonnes meurs, de conversation grave et meure, courtois, humbles et non enflez d'orgeul, promptz a obeyssance, doulz et patiens, beningz et misericors et enclins a clemence, rigoreux aux rebelles, enclins a paix et feables et preudommes en ce que on leur commet et qui soient droitturiers en justice, sages en conseil, discretz a commander, vaillans etcourageux en leurs faiz, meurs en leurs paroles, en adversité non effraez ne esbahis mais seurs et arrestez, en prosperité devotz et constans, sans soy mouvoir, et en zel et voulloir non ardans, mais plus admoderez que esmeuz, non tardis ne pesans a misericorde ; (FILLASTRE, Traité Conseil H., c.1472-1473, 157) | | [9] | Ancores ont telz faulz conseilliers ces qualitez par lesqueles on les peut facilement congnoistre que ilz sont, en leurs faiz, couvers, caulz et malicieux, taciturnes comme une lime sourde, haultains et enflez d'orgeul, sans equité et sans pité. (FILLASTRE, Traité Conseil H., c.1472-1473, 160) | | [10] | et, qui pes est, ceste dolente et douloureuse playe ne se peult ou ne se scet guarir, qu'elle ne soit d'an à aultre et de saison en saison renouvellée et mise à sang fraiz par les couraiges d'ung chascun party, enflez, despitz et non saoulez de vangeance et d'estrif, où je ne voy ne ne congnoy remede, appaisement ne guarison, fors de suplier le redempte de noz meffaictz qu'il vuille par sa benigne grace et especialle misericorde mectre par divine inspiracion, de chacune part de partie, en oubliance et en nonchalloir l'euvre commise par violente main, et au comptent d'honneur et de justice. (LA MARCHE, Mém., I, c.1470, 197) |
|
|
Attestation de 