| [1] | O hommes forvoiez du chemin de bonne cognoissance, feminins de couraiges et de meurs, loingtains de vertuz, forlignez de la constance de voz peres, qui pour delicieusement vivre choisissez a mourir sans honneur, quelle musardie ou chetiveté de cuer vous tient les mains ployees et les voulentez amaties que vous bastez en regardant devant voz yeulx vostre commune desertion et musez comme attendans de quelle part versera le faiz de cestui vostre naturel heberge et retrait, lequel vous pourroit tous acraventer et enclorre vostre ruyne soubz la sienne? (CHART., Q. inv., 1422, 10) | | [2] | De fossez fist Semiramis Babiloine enclorre trestoute, Qui moult fu grande oeuvre, sanz doubte. (CHR. PIZ., M.F., II, 1400-1403, 188) | | [3] | Achillés, qui contre lui porte Gros cuer, a ses gens moult ennorte Qu'ilz gardent bien qu'en la bataille Tant frappent d'estoc et de taille Que Troylus puissent enclorre Entr'eulx et de ses gens forclorre Tant qu'estre alé puist celle part, Et cellui veult il pour sa part Occire, car, pour la foiblesce De la playe, qu'encor le blesse, Ne peut en la bataille encore Moult forçoier, mais monstrer ore Veult a cellui qui l'a blecié Qu'il a vers lui cuer courroucié. (CHR. PIZ., M.F., III, 1400-1403, 125) | | [4] | Nous devons sçavoir que, quant les anemis sont pou, on ne les doit pas si enclorre que on ne leur lait aucun lieu par où ilz puissent fuir, car en fuiant les peut on mieulz occire ou prendre, mais se ilz se veoient si enclos que fuir ne peussent, ilz vendroient chierement leur mort. (CHR. PIZ., Faits meurs Ch. V, S., I, 1404, 227) | | [5] | Et là cuidoient passer le Tibre pour aller enclorre don Ferrand, qui estoit dedans Rome, avecques jà faveur et ayde des Coulonnois, dont estoient chiefz de la maison pour lors Prospre et Fabrice Coulonne, et le cardinal Coulonne, à qui le roy païa deux mil hommes à pied par la main dudit seigneur de Bache, qu'ilz avoient assembléz à leur plaisir; (COMM., III, 1495-1498, 73) | | [6] | Et se les anemis, distVegesse, sont foibles ou gens que on ne doye trop doubter, le chief, se iln'a que une battaille pour les enclorre, la doit faire enmaniere d'un fer de cheval ou faire de ses gens troiz ou IIII esquieres, dont lesanemis soient assaillis de tous costez. (LA SALE, Salade, c.1442-1444, 241) | | [7] | Le IXme est que, a son logier, il doit estre a cheval etmettre embusche une partie de ses gens et des meilleurs, caralors est le grant peril, et bien enclorre son ost. (LA SALE, Salade, c.1442-1444, 243) | | [8] | Et se tu me respons: "Je pense Que chascuns me maudist et tense Et dit que je sui en prison Mis pour murdre ou pour traïson, S'ai en ce si grant deshonneur Qu'avoir ne puis jamais honneur", Je te vueil a tout ce respondre, Sans riens enclorre ne repondre, Et certes, ja n'en mentirai De tout ce que je t'en dirai. (MACH., C. ami, 1357, 64) | | [9] | Et vues tu clerement savoir, Sans riens enclorre, tout le voir, Dont viennent richesse et noblesse? (MACH., C. ami, 1357, 68) | | [10] | Et Gieffroy, quant il scot ceste nouvelle, si fu moult liez, et tantost le fist chevalier, et lui bailla cent hommes d'armes, et lui commanda qu'il s'en revoist sur le pas et qu'il garde bien que Glaude ne preingne autre chemin que cellui de la forteresse, car, s'il eschappoit, il pourroit par aventure encores faire moult d'ennuy avant que on le peust ratrapper, et que mieulx le valoit enclorre ens ou cavain et le prendre par force la dedens. (ARRAS, c.1392-1393, 204) |
|
|
Attestation de 